ديوان قصائد لشعراء المملكة العربية السعودية (متجدد)☘️☘️

بسمة نظر


شايف دها حوا المعتق على اصول


خلاني أصل للسحاب وحذفني
لدت وهدت لين حسيتها تقول


شفتك وهديت الخطاوي وشفني
وانا خويك قلت ماهوب معقول


نسيت ورضيت وقتها من يصفي
عاتبت نفسي بين واعي ومذهول


ورميت لك في بحر هالسود سفني
كم كنت قاتل قلت كم صرت مقتول


من صوبت صدر الحنين ونزفني
وشكبر عذري فرحتي بس انا احول


بقيت الأول وانت ساذج يا جفني
تغيرت ماهو دلع بنت زعول


تبي بعد عمر طويل تعسفني
دوب أتلاحق واصلق القوم بالقول


معيوفة توحي الانظار عفني
أنا اقترفت الذنب الاول ومسؤول


لا والهوى صادف جهل واقترفني
العود انا الطفل وعلى خبرها لغول


العود انا ماكل بنت تعزفني
الريح انا ماعاند الريح غرمول


بارجع بكل أشياءها تكتشفني
باسهر على العناب واسهر اللول


وابرد ونفس أنفاسها تلحفني
بس اعترف في عظمة لساني اقول


لها علي وحده والايام تفني
غنج وجرجرني وسايست مشغول


برمش يقول اياك الأخر وخفني
بسمة نظر مني وصدت على طول


ماكنها بنت الح...تعرفني

سليمان المانع

يا ابن المواجع


سلام يا وجهٍ مسافر ولا زال


جرحٍ .. يد النسيان عجزت تطوله
في داخلي حلم وبراءه وترحال


وغزوٍ تطارد بالأماني خيوله
يا وجه جيت بدفتر العمر تختال


وفي نظرتك دمعة رحيل مغزوله
رجعتني ستة عشر جرح وانهال


رمل الخفا وادمت عيوني تلوله
للقريه اللي لابسه مخنق اجبال


وثوبٍ من الحنطه ويحشمك طوله
للعيد لأمي صغت الاشواق موال


للمنية اللي ماتخونك فصوله
يا وجه كنت الرجل مابين الاطفال


تحكي لهم سر السفر والرجوله
واليوم أعيش الطفل والباقي رجال


اكتب لهم حب أغنيات الطفوله
دربي حديث الازمنه وأطرد الفال


وبعض الهروب اللي قبلته عموله
صدقت تاريخ .. وهو قال


لا بارك الله بالرجوع وقبوله
جوع المسافه يشبعه طعن الأميال


والرقص بالغابه جنون وبطوله
يا ابن المواجع يا بدوي عنزالجال


صعبٍ صعود الدرب وأصعب نزوله
اوجه تراك معرب العم والخال


ومثلك ينوخ للحقيقه ذلوله
خاو الظما الصحرا وهيجن مع اللال


انت امتداد العشق الاول رسوله
مد الرسن للكلمه الحرة تنال


مجدٍ بغير التضحيه ماتنوله
الظلم غيمة صيف مسرع وبنزال


والعدل يبطي بس يحيح هطوله
وانا ياوجه انسقت مع واقع الحال


قول الذي عجزت حروفي تقوله
للشمس ترجم للبشر لعنة أجيال


وانا على فضح اغتيال الطفوله

سليمان المانع

صوتك بعيد


صوتك بعيد ووجهك اقرب من الروح


ماكنها مهما تطول المسافه
حنا انا ياانتي ياحنا ترى النوح


سيل فضح نبعه وعرى جفافه
وهذا السراج المنكسرقلب والضوح


نبض وطاه المجتمع في كفافه
ياذابح عتمة مداره ومذبوح


عاشق بلاعشقه حياته حسافه
قولي امكنتنا بردها الوقت مسموح


دام النهريبقى مصيره ضعافه
واذا وقف في نية الركب مشفوح


يكفي نحب الله صحيح ونخافه
بنا الحمام يسولف الولف للدوح


ونصير بعيون القصايد خرافه
به بنت مجروحه وبه شاب مجروح


توحدوا من دون قصد وكلافه
حب وطفوله صمتها يخجل البوح


قداسة الحب الحقيقي عفافه
حنا الهوى طبشورة الطهروالروح


والموسم اللي مستحيل قطافه
من وين مارحتي وانا وين ماأروح


تبقى المسافه بيننا لامسافة

سليمان المانع

بعض الغلا


بعض الغلا منحه وبعض الغلا سرق


وبعض الغلا ذاته وسيله وغايه
والناس بحر من سبح فيه غرق


وكم عين عذبه فيه ينشد ظمايه
انت بحياتك أصدقا تعرف الفرق


أنا بحياتي كلها باصدقايه
تظن نفسك شمس تلقاهم الشرق


مطلعك والمغرب مجرد نهايه
مثل الضنا مضني غلاهم وله طرق


تاخذ برجلك للفجر والبدايه
تهدي لك حبال الطهاره تقول ارق


لقلوب لله حبها مثل أيه
والرابط ارواح توافق مهو عرق


ولاينتخطط له ولاهو بنايه
مثل الشعر ماتلمسه مثله البرق


مايوصف برايي وكل ورايه
أيا صدقايه يا أنا مالعا ورق


من يوم ضلعي رد الأخر عوايه
وزرق بحلقي قبل لاسرح الزرق


طفل كتبكم وارتعش بالقرايه
ياللي شواربكم بعيده عن الدرق


لكم عليه قبل نسلي وصايه
شخص بحياته اصدقا والبس الفرق


شخصي حياته كلكم يا اصدقايه

سليمان المانع

حبيت وتوهم يدفنوني


عمرى غلط كله وياكثر ماخطيت

وياكثر ماكثر من خطاي ظلموني

لو ماترجى رحمة الله توفيت

من كثر مافاض الندم من عيوني

كان القلوب بيوت ماعاد لى بيت

يالغربه اللى ماتعيشين دوني

أدمت مخالب وحدتى ضحكتي وجيت

أحمل معك ذكرى لناسننسوني

بيض النوايا مرحبا لا تقهويت

من سودهن والكل ما سامحوني

كيف أفهم اللى صارلي لا تجليت

وأمعنت بالتفكير لا في جنوني

أشعر بأني كنت فى مرحله ميت

لكن حييت وتوهم يدفنوني

يا للعذاب السرمدى مابقا ليت

والطيش والحظ التعيس وضنوني

يارب لامنى ذكرتك وصليت

وذكرت عفوك وأنت لاضقت عوني

ضحكت ضحكت طفل لاهى وسجيت

ماهمني لو البشر أخذلوني


سليمان المانع

طفولة


كانت طفوله محزنه .. كنت انا جن


كانت تعيسه بس كانت طفوله
العب ولكن ....لا اتراجع ولا اكن


ماجا على بالي لعبته واقوله
احكام لا هي لا باماكن ولا سن


طيش تحدا المرحله في نحوله
كان وفطن قلبي وانا كان بي ظن


ان القرايه مثل مافسروله
طفل يتفرعن.. لا لفت وان غفت عن


والشمس كانت تستهيج بذبوله
ماكان له دوله سوى الحزن والفن


ويظن نفسه يلعن الظن دوله!!
بقلوب حوله كان يكتب بلا من


واليوم وش يكتب؟ ولا قلوب حوله
كان امس فيه اطول من الصبر والعن


الله يذاك الوقت يا زين طوله!
ياريح قولي للقصب ياقصب غن


دام الطبيعه بالحنين مغسوله
حزنه شمالي مدميٍ والولد حن


ضلوعه تبرا من بعضها جفوله
يعني اذا جضت ربابه ولا ون


وتسابقن يمكن يموت بسهوله
مبطي الفرح مشلول لو يضحك السن


ومبطي البكا يابس على الجفن زوله
ما َبن وجه بكفها ولا انقرا بُن


ومن يومها زل الكلام معسوله

سليمان المانع