فوق هام السحب ( الشعر الشعبي) على متن القوافي

ابوي رباني وعلمني الطيب
وقال اسمعي يابنت علمٍ مبتدّا

خلي مقامك مرتفع عن العيب
ضعاف النفوس الي رداهم تعدّا

وانتِ حفيدة حافظين المواجيب
شيوخ في صدور المجالس تبدّا

......

قلبك إذا تقدر تخبيه ؟ خبّه
لا تكشفه للناس ويقل شانه

مافيه أحد حبك عشانك تحبّه
من شاف عندك شي حبك عشانه


......

‏شحيّت عني بشوفك صار لك مدّه
واليوم صوتك بعد شحيّت به عنّي

قبل أمس لك صدّةٍ واليوم لك صدّه
زودٍ على مابي من طعون تطعنّي

إن مات شوقك فشوقي واصلٍ حدّه
وإن كنت رايق فعقبك ماضحك سنّي

.....

‏أحبك كثر دقات القلوب ب عالم العشاق
أحبك كثر دمعات العيـــون بخدهم جاري

أحبك كثر ونــات الهموم بخافق المشتاق
أحبك كثر أنفاسي وأشواقـــــي وأشعاري

أحبك كثر أحزاني كثر ماخاطري قد ضاق
أحبــــك كثر دمعاتي كثر ما جابك الطاري


......

‏كيف مااكتب لك شعر وأرفع الصوت
‏وأنـت الـوزن والقافيـه و المـعاني

‏تريديني أكتب بيت راح أكتب ابيوت
‏وراح أشـعـل اللـيله قصـيد وأمآني

‏وافرش بحـور الشـعر لؤلؤ وياقـوت
‏لجـل العـيون والخـافق الـي رمانـي

‏وطيفــك يـغازلني دايـم عـن الـفوت
‏في كل يــوماً ودقايــق وحتـا الثــواني

.....

‏يا ملذة روعة الانس في العيش الرغيد
يابعد من طاف فالقلب ياكل الشجون

صورتك في عيني ابريق يالماس الفريد
شي والله يسحر العقل لا حد الجنون

ينحني قلبي وشعري لجل عينك عبيد
تملكيني حيل لله في خلقه شؤون

......

‏قربك سعاده عكس بعدك قراده
يــا بلســمٍ للروح طيفك وذكــراك

بـوحي مـن الاشعـار فيه الافـاده
بين القلم وشفاي اكتبك واقراك

الطرس جـاهـز والقلم بـه مداده
والغيـركم مشـاعري مـا تـعـداك

والحب عذري واصـلٍ حد مـاده
يعـوم في بحرك ويرسي بمرفـاك

......

‏الله جعل للجـار حقٍ عـلى الجـار
حسن الجـوار بجـار بيته قصـيـره

عـنـه الحـديـث مثبتينه بالأخبـار
عن صفوة الرسل ونزيه السريـره

خلك على جارك بـخـتـري ونـوار
هـذا الشطر يكفيك عنه تعبـيـره

أكرم جناب الجار في كل الاقطار
وأقف بصفه في الأمور الكبـيـره

......
‎