ديوان الأمير بدر بن عبدالمحسن

لا تجرحيني جرحك العام ما طاب
داوي بحنانك ما مضى واجرحيني

ياللي حنانك نظرة بين الأهداب
ردي علي بعض العزا ناظريني

خافي على قلبٍ يحبك إلى ذاب
ذاب الهوى في خفقته والحنيني

لولاك ما زار القمر ليل الأحباب
ولا لوحت شمس المحبه جبيني

ولولاك ما يلفي على الدّار غياب
ولا تبكي اللي فارق الدار عيني

في غيبتك كل الملا عندي اغراب
ما أحدٍ أبي قربه ولا أحدٍ يبيني

لا ياغلا كل القرابه والأصحاب
ضاع العدل في الناس لو تظلميني

البدر

أحد سأل عني
وأحد نسي يسأل
يعذرني الأول
محد سأل عني
أحد نسي صوته
واقبل ينادي
وأحد نسي صوته
ساعة سكت فيني
يعذرني الأول
أحد يبيني احتار
وأحدٍ هو الحيره
والله الأماني كثار
ومابه أحد غيره
اللي نسي يسأل
هذا حديث الجرح
ماهو أبد مني

البدر