يا كثر ما احبك ويا كثر ما اغليك !!!!!!!!!!!!

بعض مشاعري :
. .
.
ياكثر ما احبك وياكثر ما اغليك
ويا كثر ما اتعب يا الغلا في غيابك
.
قلبي يحبك كيف بالله يخليك
من بعد ما سجلتني في كتابك
.
احبك بطبعك واحيي مباديك
عزيز نفس ولا تنزل جنابك
.
والله مافي لحظة الا واطريك
واتخيل اني واقفٍ عند بابك
.
واعيش في جو ٍ خيالي واناديك
واقول ياليت الايادي تشابك
.
في لحظةٍ محدٍ من اهلك حواليك
ما غير انا واياك محدٍ درى بك
.
وتقول مرحب يا(علي) ياهلا فيك
كيف القدر يا اغلى المخاليق جابك
.
وتضمني وتشد حولي اياديك
واضم صدرك لين تنسى عذابك!!!
. .
.
شعر /
راجي الوصل
ـــــــــــــــــــــــــــــــــ
فاصلة :
الحب مغامرة تدخلها مرغما وتخرج منها مرغما

شكرا لك اخي راجي الوصل
على هذه المشاعرالجميله فصح لسانك

صح لسانك عزيزي .. ابيات رائعه وجميله تليق بك

واعجبتني الفاصله كثيرا
ففعلا الحب مشكله ان سيطر على المشاعر

الحب
اوله دلع .. واخره ولع

الله عليك
قصيدة رائعة جدا
تحياتي لك

قصيده في غاية الروعه والجمال
الله يجعلك دائم على القوه

صح لسانك

ع هالأبيات الرووعه

الله يعطيك العافية وعساك ع القوة

لك الود وباقات الورد



أميرة الورد

صح لسانك ابيات جميله