جديد الشاعر القدير سعد الرشيدي

حرنار الغبن يتغلب على نار الحطب والغاز
وناس تتعمد تشب النار ما يدرون وش يقلون
وان بغيت آسج واخلي كما قالوا حياتي فلة
جاني اللي شل تفكيري وش اعمل لو أزمه
احتماله شين وقبوله غلط واضح وزين أوضاعه
ولا حد يصبر على ثوب تقمص به بدون قياس
مرة آقول اسل مثل الناس وازله مثل من زله
ومرة اقل عد عن هذي وخذ هذي وضيف ته
ولا تصدق م الزوالف كل ما جات الرواة به
ولا تروح شمال والا يمين والنيشان واسطه
ومرة اقل صاروا أصحابي وعدواني يبون ارهابي
وانا ماخذها مع الاثنين في سجة وفي غناء
لن هرج الناس كل حسب تفكيره ولا له ضابط
بعدها تحتار لاميزت لا ماضي ولا حديث
قلت مالك في الكلام وكل مخلوق يشل أوزاره
وش بقي من وقت لك لو كل مجنون بترقيه
والحكي ماله مع اهل السوق لابايع ولا قانون
والحريص ارسله لا توصيه علمه الهدف فيكفي
وازهله يوفي حقوق الناس حاضرها ودينها
من حضر جاه الخبر وعفاه واللي ما حضر ودوا له
والذي يزعل من الواقع فلا نفسي بكارثه
الرد


ياجماعة تعب تفكيري وانا احلل حكي والغاز
ساعدوني حلها من بعد ما تدرون وش يقلون
قالوا ارهابي وتايب زوجوه وعمروا له فلة
واجعلوا له راتب شهري يقضي به لوازمه
واصرفوا له مبلغ مقطوع تحسين وتزين أوضاعه
واقبلي يالجامعات ابناه واحفاده بدون قياس
واذا ما عنده وظيفة وظفوه بجنب منزله
وان يكن مفصول دون حساب يرجع في وظيفته
يعتبر كنه مداوم ثم تصرف له رواتبه
واصبح أكبر واسطة للناس ذا يبغون واسطة
حتى عايلة الشهيد تقول ياليت ان ابونا ارهابي
كان عشنا جنب ابونا في رفاهية وفي غنى
وقالوا اما طالب التحفيظ لايمكن يخرج ضابط
يبغون حماة الوطن لا يفقهون آية ولا حديث
والأمين اذا غدا خاين يرقونه وزير وزارة
بعد ما قلنا انقطع شره يكافونه بترقية
وغيرها اشيا تصير دون اعراف أو مبدأ ولا قانون
طيب انا ماني بارهابي وروحي شايله في كفي
اتمنى أموت دون ارضي مباديها ودينها
بعد ما اقسمت القسم لاخلص لديني والملك والدولة
ليش مالي مثل ذولا الناس يوم أخلصت نيتي
ياخسارة جا التقاعد قبل ما اجي لي بكارثة

قصيدة رائــعة
ونقل ولا أروع


كل الشكر لك يآبو علي ..
وصح بوح ابو حاتم ..




تبريــــ د

كل الشكر لك يا بن بركي على الطرح المميز
وصح لسان ابو حاتم

قصيده رائعه فصح لسان ابوحاتم

وسلمت يمناك اخي ابو علي
على هذا الطرح المميز

صح لسان أبو حاتم

وسلمت يابو علي على النقل المميز

تحياتي

صحت لسان الشاعر أبوحاتم
وأشكرك على النقل

صح لسان أبو حاتم

وسلمت يابو علي على النقل المميز

تحياتي

صح لسانك على القصيده الرايعه.. صراحه اممم في القمــه..:101:

بسم الله الرحمن

حي الله الاخ الكريم والشاعر الكبير ابوحاتم

الحقيقه الشاعر ابوحاتم ليس بحاجه الى شهادتي ولكن الاشاده بشاعرية ابوحاتم شيء واجب .. يبهرني ابوحاتم في قوته واجادته للشقر بطريقه تحفظ للقصيده معناها في البدع والرد .

قصيده رائعه بتركيبتها ومعناها واقول لابوحاتم صح لسانه .


همسه : زين انه جاء التقاعد قبل تجيب كارثه

شكرا لاخونا عبدالله بن بركي (ابوعلي) على اهتمامه وتنزيله للقصيده