استوحشت نفسي

استوحشت نفسي من مقابل الناس
ودي اسامر نجم ليلي لحالي
ودي ادوج و ينقطع حس الاوناس
ياكود عوي الذيب فوق الطوالي
الصدر به ضيقه وبالفكر هوجاس
وماتطمحه نفسي صعيب المنالي
بالله خلوني ترى الوضع حساس
اخنى علي الهم تال الليالي
القلب شعله والمعاليق الاقباس
ويصلى الصدر من لاهب النار صالي
والكبد تسحب من على حد الامواس
واحن من ضيقي حنين الجمالي
من حرتي تصطك بالفم الاضراس
وتصفق يميني من عذابي شمالي
ماعاد حيله واضرب اخماس باسداس
والدم بعد الدمع بالموق سالي
ومن السعاده والفرح معلن افلاس
ولاعاد غير الحزن لي راس مالي
وان كان ربي كاتبن عمري اتعاس
راضي بحكم الله ولا لي مجالي
بعض المحبه كنها طبخة الفاس
طمعة سراب وطرد شين محالي
دلو الحظوظ ان طاح ما اظهره غطاس
ولاينسحب بمروبعات الحبالي
اثر الفرج في بعض الاحيان بالياس
قطع الرجا محمود بعض الحوالي
غطست في الدنيا في بحرن ماينقاس
لو هاج موجه غط روس الجبالي
بحر الظروف القشر والضيم والباس
بسبابها ماطاب بالعيش فالي
والله ماحسد غير معدوم الاحساس
ماضاق من مركزه باول وتالي
اكبر عيوبي طيب قلبي مع الناس
الخبث ميزه بالسنين التوالي
اصبح عزيز النفس يوطى ينداس
وشاخو عبيد الوساطه والريالي
والسحت من يكبسه شيّخ بلى ساس
يجر بشته دون طيب وفعالي
والاحمق اصبح رجل شهره ونوماس
واصبح خفيف العقل راس الرجالي
شين يهول العقل ويشيب الراس
ويطمن الراس الذي عاش عالي
يوسف الشمراني

صح لسانك واعتلى شانك
ابداع رائع
تسلم يمينك شاعرنا يوسف

قصيدة مميزة
واطلاله رائعة
تسلم الايادي ولاحرمنا من هذا التواجد الفعال
ودي لك وتقديري

صح منطوقك
تسلم ياالامير ,, القصيدة رائعه
تحياتي لك

بارك الله فيك على القصيدة
صح الله لسانك

تحياتي وتقديري

تسلم يداك شاعرنا يوسف الشمراني
صح الله لسانك
لاهنت
لك اجمل تحياتي وارقاها

صحت ابدانكم جميع يشرفني مروركم واطرائكم

صح لسانك
سلمت يمناك ولا عدمناك..
دمت برضى الله وفضله

تسلم على القصيدة الرائعه
يعطَيكـًم العآفية ..ولـآحرَمنآ منَكـًم
بإنتظَآرَجَديِدكًـم بشغفَ