أستح على لحيتك يا بايع الهيل

أسـتـح عـلـى لحيـتـك يا بايـع الـهـيـل
يـا مـحـلـقٍ روس الـزبـائــن حــلاقـــه

حــلاق ما تـحـلـق يـكــود الرجـاجـيـل
والا الـــردي مـالــك بـراســه عــلاقــه

طيرت سعره يا أبيـض الوجـه بالحيـل
وتقـول حـسـب المعـرفـة والصـداقـه

بـــلاك مـا ذقـتـه بـبـيـض الفـنـاجـيـل
لا صلـحـه خـطــوى النـشـامـا وذاقـــه

عـلــى سـنــا نـــاراً لـيـاهــود الـلـيــل
وتجمـعـوا عـنــدك وجـيــه الـرفـاقـه

سـوالـفٍ حـلـوه ومجـلـس رجاجـيـل
مـا هـي عـلـوم اهــل العـلـوم الدقـاقـه

فـي مربـعٍ مسيـول سيـلٍ بـعـد سـيـل
تشـهـاه لــو مـالـك مــع الـبـدو نـاقــه

رشيد الزلامي رحمه الله