يا راسي تطيح من الثريّا على المشراف

يا راسي تطيح من الثريّا على المشراف
هذي طيحتك لا طاح كلٍ بمنزاله

تحسّفت ولا ما تحسّفت شي وطاف
عش اليوم واترك ماضي الوقت في فاله

حديث النفوس اللي تبرّت من الاعراف
يخلّي قلوب القوم رجلي وخياله

طبيعي يعيش الادمي عيشة الخوّاف
الايام هذي صارت تخوّف الداله

يا وجدي لو أحثّ الركايب على المنكاف
واشوف الديار وكل شيءٍ على حاله

قطعت الدروب المجدبه والسنين عجاف
ورا ضوح برقٍ ماغسل كبدي خياله

على يمّة احلامٍ قديمه ووزن وقاف
يجرّيني اللي يرهن الشوق معداله

على بالي اني ماخذٍ قلبه الميلاف
وأثرني خذيت آخر لياليه ورساله

ترددت في مرواحي وخاطره شفّاف
ياوخوفي لو ان عنده كلامٍ ولا قاله

سنينه شهر وسنين غيره ثلاث أضعاف
عسى بعده اقصر بعد فعيون عذاله

وش العذر عند الناحل المايس الهيّاف
إذا مايرد ايامي البيض في باله

تذكّر نسا مرّ القصايد وش اللي شاف
حلالاه لو طاروقي العذب يحلا له

محمد بن فضاء