جيت اذكرك

جيت اجمع رفات الاماني والاحلام
جيت اذكرك وابكيك واشقي عيوني
دام الشقى في غيبتك فرض والزام
لاتنشد الايام سبة طعوني
ولاتنثر دموعك على ذيك الايام
ولايشغلك لو طاولني حزوني
صاحبك مبطي في بحور الحزن عام
ويغرق تحت موج الحسايف بهوني
خط الدمع خده مثل خط الاقلام
وينطحه ضيقه من طوال القروني
لكن قرب دام لك رف الانسام
والك الخفوق يجر نبضه لحوني
هاك الخفوق اللي على حبكم هام
اللي زرعه الوقت ضيم وغبوني
وهاك والدموع اللي على خدي ايتام
اللي على ذكراك لبت شجوني
حبك قدر عشته مع الوقت منظام
اظن به والوقت يخلف ظنوني
ومرت سنين العمر عامن ورى العام
وحمل المفارق ماتطيقه متوني
يوسف الشمراني