في ذمـــتي

ياللـي تمنانـي بعـد مانسيتـك

في ذمّتي ماعاد تطري على البـال


العـام جافينـي ويامـا نهيـتـك

واليـوم ياغـدار راجـع بمـوال


نعم؟علامـك جاينـي مادعيتـك؟

وقّف مكانك صعبه اليوم تحتـال


تبغاني آقول إرجع البيت بيتـك!!؟

لا والذي يخلق ويفنـي للاجيـال


المسأله ماهيـب خذنـي وجيتـك

لاتحسب إن السالفه لعبة إعيـال


ولن كان مستغرب لأني سليتـك!!

آقول عادي هاكذا طبـع الابطـال


قلبي كبير ولـو جـزع مارجيتـك

مهما حصل ماينكسر قلب رجّـال


صحيح وقت ٍ فات كلّـي هويتـك

وفي خافقي كان لك ممسى ومقيال


ومن صافي إحساسي وحُبي سقيتك

مخلص ولااسمع فيك حاسد وعذال


لكن خسارة حُبي اللـي عطيتـك

وياللأسف قابلت حُبـي بالاهمـال


خاين وبايعنـي بعـد ماشريتـك

اوهمتني بالحـب كـاذب ودجّـال


ويوم إنكشفت وبان قصدك رميتك

رمي الحجر من قمّة الشامخ العال


مـادام هـاذا منهَجَـك مابغيتـك

منهج ضعافة نفس وإسلوب جهّال



وإعرف ترى لو في طريقي لقيتك

لقول لـك قـول ٍ يخلّيـك تهتـال

يالله ‏إهناك ‏إذلف ‏تراني نسيتـك

وفي ذمّتي ماينكسر قلـب رجّـال

خاين وبايعنـي بعـد ماشريتـك

اوهمتني بالحـب كـاذب ودجّـال
اخي بكر علي لك الشكر على القصيده الرائعه والجميله
الله يعطيك العافيه

مشكور اخوي على الكلمااات..

شكراً لك أخوية ,,, بكر علي

ع جمال هذي القصيدة

الله يعطيك العافية

لك الود وباقات الورد


أميرة الورد

اشكركم جميعا على مروركم الجميل لكم ودي