قصيدة المبادئ🌹

قصيدة المبادئ
الشاعر: عبد الرحمن بن مساعد


..
بدء ذي بادىء..
هذا تعريف المبادىء..
كل وقت.. وله أذان..
الزمان.. غير الزمان..
ياكلام الليل.. يمحيك النهار..
باختصار..
المبادىء.. شىء تحكمه الظروف..
مثل طفل.. ترتبك في الحروف..
ما اجمل أغلاطه..
المبادىء.. للأسف..
كلمة مطّاطة..
بدء ذي بادىء..
يا بايع إحساسك..
وش احساسك..
وأفكارك لغيرك..
ياشاري إحساسك..
وش احساسك..
واحساسك لغيرك..
ليتك توصف متعتك..
لاخذت من غيرك مشاعر..
تدري لو تقدر ترى..
ماهو بعيد تصير شاعر..
كيف الخلاص.. من ناس تغتال الشعر..
وحد القصاص في كل سرقة..البتر
الا الفكر..
بدىء ذي بادىء..
هذا تعريف المبادىء..
يا بايع أموالك.. لفقرك..
وللعذاب اللي في بيتك.. ودمعة عيالك..
ليت توصف متعتك..
ليت أوصف ضيقتك..
لو جرى لك..
في القمار.. اللي جرالك..
ليت نعرف..
متعتك أو ضيقتك..
أيهم اللي بقالك؟
يا بايع أعصابك.. لخمرك..
ياكثر ماحرت ب امرك..
يابايع الصحة.. لخمرك..أو سمومك..
وش يفيد أني ألومك..
كيف تلقى متعتك.. لا ضاع عقلك!
وبان بين الناس ذلك
وكيف تسعد في شعورك..
وانت خارج عن شعورك..
يا بايع اعصابك ووعيك..
ياللي تهرب في عذابك..
من عذابك..
لو بغيت في يوم..
تهرب من هروبك..
وش هو احساسك؟
بدء ذي بادىء..
هذا تعريف المبادىء..
يابايع بلادك.. بكم كان الثمن؟!
يا بايع بلادك..
انسى المباني.. والبيوت.. والحب الأول
انسى غبار المدرسة.. ووجوه اصحابك..
انسى فؤادك.. وميلادك..
وارمي ورا ظهرك..
كل العبارات الكبيرة..
عن الوفا.. والتضحية..
وعن حب الوطن..
يا بايع بلادك..
لو كبروا أولادك..
وكان السؤال في عيونهم..
سجنك وجلادك..!
احنا يابوي من وين؟!
وش هو احساسك؟!
يابايع آخرتك.. يالعاصي القاسي..
اسمع نصايح صاحبك ابليس:
لا تترك التدليس..
اظلم ولا تفكر في باكر..
هيم في العصيان جاهر..
واختار من بين الذنوب..
مايسعدك..
ولاسار عمرك للغروب..
لاتتوب..
لا تحسب للعمر..
ولا تفكر بالقبر..
ولا العذاب..
توك شباب..
هذي نصايح صاحيك ابليس..
يابايع آخرتك بدنياك..
لا عدمناك..
لو عدمناك..
وش هو إحساسك؟
===

شكرا على المشاركة
تسلم الايادي ولاحرمنا من هذا التواجد الفعال
ودي لك وتقديري

شكرا على الطرح الرائع
دام لنا عطائكم المميز
تحياتي الوردية ...
لكـ خالص احترامي

شكرا على المشاركة والمتابعة
جزاك الله خيرا
خالص تقديري لك

جزاك الله خيرا
وبارك فيك على هذا الطرح المفيد

شكرا على المجهود الرائع ريحانة المنتدى
جزاك الله خيرا
دمتم بهذا العطاء المستمر
لك خالص احترامي

شكرا لك
بارك الله فيك ودمت بخير

شكرا على المشاركة المميزة
سلمت يمناك ولا عدمناك..
دمت برضى الله وفضله

جزاك الله خيرا
كالمعتاد عمل أكثر من رائع وفي انتظار المزيد.