الطيب يوجــع من به الشك والريـب❤️️🍂

منشور شاعر
الطيب يوجــع من به الشك والريـب

سلطان بن بجاد بن صلال البقمي

رجلٍ ملا عين الرياجيل بالطيب

لا بـد مـا يـظـهـر حـسـودٍ يعاديه

الطيب يوجع من به الشك والريب

اللي عـجـز عن فعل غيره يجاريه

ما نغبط اللي ينقد الناس ويعيب

حتى لو أنه حــاوي الـعـلم بيديه

قسم الرخوم يشذبون العراقيب

يوم الرجال اقسامها تفتخر فيه

من عذرب العالم وفيه العذاريب

شرهة على من يستمع له ويوحيه

العاقل اللي ينكر النقص والعيب

ولا حـط نفسه في مـكـانٍ يوطيه

والخايب اللي يصحبه لازم يخيب

يطلع مطاليعه ويمشي مماشيه

صفّ الـنـوايا وانـتـبه للعواقيب

والحرّ ما يـحـتـاج قــولٍ وتنبيه

شكرا على المشاركة وحسن المتابعة
بارك الله فيك وفي عملك
ودمت بخير وعافية

بارك الله فيك
شكرا على المشاركة والمتابعة
جزاك الله خيرا
خالص تقديري لك