متى تفك الهجر لايزيد غرباله

	لاصار كلن رقد وارتااح في نومه من يرحم الشااقي اللي تاهت احوااله تبقى عيوني سهيرة ليل ونجومه والنفس متعوده للضيق واحماله الحزن طوقني والبسني من هدومه وفليلي الموحش المقهور له فاله اليوم ماني معاكم نفسي معزومه على السهر والحزن والضيم باشكاله ببقى خلاوي واجاذب ليلي وهمومه وتبدى القصيده تعبر لك عن الحاله يانفسي ياللي على ضيقتك مكتومه لاتحسبين الدهر دوم(ن) بيصفاله ياصاحبي ياللي نفسي فيك مغرومه متى تفك الهجر لايزيد غرباله نفسي على غيركم تراها ملجومه متى يجيني ويطريني على باله ياوجد عيني عليه اباخذ علومه من يوم فارقني ودموعي لنزاله متى يعّود وترجع آخر سلومه والله ماعاد ابسمع فيه عذاله مثل المطر دمعي بليلي مع غيومه هذي دموعي وونيني فيه يحداله نفسي الحزينه هي اللي دوم مليومه أشلون راح الوصال وقّطع احباله نفسي تراها على الوجدان ملزومه عساه يخفف عليا حمل واثقاله هذي تعابير قصدي وآخر وسومه ان كان بيرجع ترى روحي بتفداله وانا الذي بنتظر لحظااات مقدومه عساه يرجع ويذكر حزت وصاله وختامها صورتك للحين مرسوومه والقلب يطريك في حله وترحاله والعين من فقدكم بالدمع مهجومه والنفس فيها شداد الهم وجماله يانفسي ياللي بصبرك دوم موسومه ياما مشيتيله الكيلو مع امياله واليوم يانفسي ماعدتي بمخدومه ما عاد اشوف بعيوني ألا أطلاله

صح لسانــكـــــ
مبدع
ومتميز

شيخ عليان

صح لسانك يالغالي

وتسلم يمينك

لك مني الاحترام والقدير

ولا تحرمان من جديدكـ

هلا بك يالغالي
اشكرك على هذه القصيده الجميله

اخي العزيز/ شيخ عليان
السلام عليكم ورحمة الله وبركاته
صح لسانك ايها المبده فهل من مزيد
تقبل تحياتي
اخوك
ناظم الهمسات

صح لسانك قصيده رائعه
تسلم
لاهنت