جنون الحب ..!!

السلام عليكم ورحمة الله وبركاته

بعد غياب عودة لكم بقصيدة جديدة أتمنى تنال إعجابكم ,

( جنون الحب )


[poem=font=",6,black,bold,normal" bkcolor="white" bkimage="" border="groove,4," type=1 line=0 align=center use=ex num="0,black""]
اتعبت في رحلة حياتي المشاوير = واخذت من لوعة زماني كفاية

قلت اتنحى واتــرك الحــب للغــير = واعيش بالذكرى لحد النهاية

لكنها الاقـــــــدار تــأتي بتقــــدير = وانا قــنوع ان القــدر له عناية

صدفة تقابلنا ومن غير تدبير = الله جمع قلبين من غير غاية

وتقابلت صدق المشاعر على خير = وطيب النفوس ويالها من بداية

اشتاق واحلم وانتظر حزة اعصير = قبل الخروج يمر حول المراية

طله من اسفل زاويتها بتعبير = منظر خيالي في بداية رواية

سرت اتخيل طيفها وين ما اسير = اشوفها تحكي وتضحك معاية

عندي جنون الحب ماله معايير = ما يعترف بحدود ماله نهاية

تعـبت واتعـبت الخــطا والمشاوير = حتى حروفي اتعبتها , مو كفاية .؟