فقدت الامل في عودتك يا حبيب الروح !!!!

. .
.
فقدت الامل في عودتك يا حبيب الروح
ولاشك هذي رغبتك وانت راعيها
.
وعز الله اني من سبب غيبتك مجروح
جروح ٍ كثيرة ما لقت من يداويها
.
وعز الله انْ مالك بتعذيبنا مصلوح
وعز الله اني بعدكم رايح ٍ فيها
.
بدينا العلاقة نحسب ان الغرام مزوح
واثاريه شي ٍ لا غزا الروح ينهيها
.
عذابي لفقدك في دموعي غدا مشروح
دموع ٍ لهيب الوجد والشوق يدعيها
.
نحاول نخـبّي والشقا باين ٍ مفضوح
بداخل عيونٍ قلة النوم تشقيها
.
وليت الشقا وقـّـف على حد دمع ونوح
ولكن له آثار ٍ بجوفي مسويها
.
عليم الله ان الصدر قِـدْر ٍ ومنه الفوح
يذيب الحنايا والمعاليق يصليها
.
عذاب ٍ ولا يوصفه كثر الحكي والبوح
ولا حس بالنيران يا كود واطيها
.
فياليتك تعوّد وذنبك ترى مدموح
وتترك نوايا بالجفا صرت ناويها !
. .
.
نزفتها مشاعر /
راجي الوصل
. . .
تجدوني في الفيس بوك على هذا الرابط ومرحبا الف :
http://www.facebook.com/profile.php?id=1383061321&ref=tn_tnmn

راجي الوصل

صح الله لسانك

جزلة من جزل

ننتظر ابداعاتك

ابداع وحضور جميل
راجي الوصل شكرا لك قصيده رائعه
والله يعينك

صح الله اسانك

صح لسانك
شكرا لك ع قصيده
يعطيك ربى العافية

علي ..
صح الله لسانك
وعلا شانك