من روائع الشاعر الجزل / لافي حمود الغيداني الحربي

لعل السحاب اللي مـن البعـد دوبـه واق=====على حد الارض من السما تسبـر اعناقـه
على ديـرة دونـه جنـوبٍ عنـه ينسـاق========تقـفـاه وتلمـلـم شـتـاتـه وتسـتـاقـه
ذعاذيـع ريـحٍ ماتشـيـل وتـحـط رواق========يصحبها شويـة عنـف وانسامهـا رقاقـه
لو تمـر بيـت البـدو مترامـي الاشنـاق========تهـزه شـوي شـوي ماترمـي رواقــه
تسوق السحاب بدبـرة المانـع .. الـرزاق=======إلـهٍ عبيـده تطلـب رضــاه وعتـاقـه
ولامنـه تسـاوى فـوق دارٍ غلاهـا فـاق=======حـدود الغـلا .. تستـأذن الريـح لفراقـه
يقر ويسر البـال .. والعيـن .. والخفـاق=======ويلجّّ رعده .. ويرفـرف البـرق بأشناقـه
من بعيد برقـه يسهـر المسنـي المشتـاق======هكاالليل يقضـي كـل ليلـه علـى ساقـه
كاانـه يقـول ليانتفـض برقـه الشـعـاق=======على الهـون تكفـا ماعلـى قلبـي لحاقـه
وصلهـا وباشرهـا علـى غيبـة الاشفـاق======جـلال مطـره مايعطـي الوقـت لدقاقـه
تضيق بسخـاه الاوديـه والفضـا ماضـاق======بغيمـه .. وهتانـه .. ورعـده .. وبراقـه
يمد الجذع بالوصل .. والغصن .. والاوراق======بعد مااشتكى من هجـره الغصـن لوراقـه
شهر .. ويتجاور فيه راعي غنم .. ونيـاق=======بربله .. وحوذانـه ضحـى تشبـع الناقـه
تكحـل بنبـت فياضـه العطـره الاحـداق=========من يشوف نبته يشكـر الله علـى ارزاقـه
شـذا نبـت ريضانـه ماينبـاع بالاسـواق=========مايجمع شذاها مـع بعـض غيـر خلاقـه
تجـلا بتنويـع الزهـر قـدرة الـخـلاق===========تلاويـن نبتـه تأسـر قـلـوب عشـاقـه
ربيعه .. وغدرانه .. متى مانهمـر دفـاق=========لـدارٍ لهـا كــل الاحاسـيـس تـواقـه
سلامي عليها من اولـي لاخـر الارمـاق=========ولها صادق الاشـواق باقـه .. ورا باقـه
غلاها وسره دافنـه فـي ثـرى الاعمـاق=========وأكيد الغلا ماجـا مـن البـاب .. للطاقـه



منقــــــــــــــــــوله