لك الله يا قلب بعد ما حلفت ايمان !!!!!!!!!!!!!!!!

لك الله يا قلبٍ بعد ما حلفت ايمان
على انك تتوب وتترك الحب لاصحابه
.
ولا عاد تتولع ولا ياخذك تحنان
بعد ما اجرحتك اللي مع الناس لعّـابة
.
اشوفك رجعت وفيك شوق المولع بان
وولعّـت معْـك الروح والروح منصابة
.
الا يا جميل الوجه يا صافي الاوجان
غرامك علينا يا ابيض اللون وش جابه
.
انا والله اني كنت ساليْ ولا لي شان
بدرب الهوى واللي شكا صدة احبابه
.
وقسّـيت قلبي لاجل ما اوقع واعض لسان
وخليت درب العشق واقفلت انا بابه
.
وجيت اقتحمت الباب والسور والميدان
ولا معْـك رشاش ولا معْـك دبابة
.
سلاحك عيون ٍ جل من صور الاعيان
وربي ما يفتك مثلها سيّـد الغابة
.
انا يوم اطالعها يجيني هَـبَـل وجنان
واتمتم بقول للعرب ما احسب حسابه
.
واحس ان دمّي واقفٍ داخل الشريان
وروحي على درب التهاليك منسابة !

سلاحك عيون ٍ جل من صور الاعيان

وربي ما يفتك مثلها سيّـد الغابة


أبيات رائعة أخي راجي الوصل

يعطيك العافية يالغالي ولا عدمناك

تحياتي واحترامي

انا يوم اطالعها يجيني هَـبَـل وجنان
واتمتم بقول للعرب ما احسب حسابه


قلت فأبدعت بارك الله فيك

انا والله اني كنت ساليْ ولا لي شان
بدرب الهوى واللي شكا صدة احبابه
.
وقسّـيت قلبي لاجل ما اوقع واعض لسان
وخليت درب العشق واقفلت انا بابه

صح لسانك

قصيده جميله

الله يعطيك العافيه

الـــــــــساهـــــــــــري....................... .......

صح لسانك قصيده جيده تسلم

اشوفك رجعت وفيك شوق المولع بان
وولعّـت معْـك الروح والروح منصابة

صح لسانك ولاهنت

قصيدة رائعة بروعة شاعرها

تقبل فائق احترامي

سعد ال عدول

صح لسانك وبنانك اخووي
لا هنت