طبيب العياده

جيت الطبيب اللي هل السقم تنصاه
يا مكثر المرضى بوسط العياده
ويومه وصلني الدور سميت بالله
ودعيت ربن تلتجي به عباده
يفرج. همومي والكدر والمعاناه
ويكتب في عمري من جديد السعاده
ودخلت ابشكي حالتي واسمع دواه
يارب عبدك لاتخيب مراده
ويومه سمع شكواي به هرج بشفاه
وده يقوله غير عيا فواده
وبعد السكوت اشر عليه بيمناه
قال اسمع اسمع كان تبغى الافاده
ماضيك يايوسف تحاول تنساه
لاتطيع فكرك لو يزود عناده
ماضيك يايوسف مصايب ومآساه
من شكل خطك حزن راسك قناده
ماضيك مرعب لاتعود لطرياه
ان كان تبغى الجرح يلقى ضماده
وحاول ماتكتم في وسط صدرك الاه
فضفض ولو حتى لريش الوساده
وتفسير حلمك الذي دايم اتراه
انك على الماضي تحن بزياده
وهذا علاجن روح دور وتلقاه
يمكن يخفف ضيقتك والنكاده
دكتور عفوا خل طبك مانبغاه
قلبي عن الماضي صعيبن حياده
وش لون ابنسى طيف خلي وذكراه
والشوق يقدح في خفوقي زناده
شوقه ينادي دمع عيني مناداه
شوق الغريب اللي بعد عن بلاده
ماعاد ظني بالغنادير حلياه
الحب عقبه معلن بي حداداه
من صغر سني عشت حبه ونشواه
حبه ربى بالقلب واعلن وداده
سار القدر فينا على غير مشهاه
وونصيبنا والحظ جت بالقراده
ايه والله احبه ولا بعشق سواه
وقلبي من الذكرى شرابه وزاده
من زود حبي له تيممت مطاه
ونذرت عمري للحنين وجهاده
قبيلتي حبه وانا الشيخ بحماه
وماظن به شيخن يخلي شداده
بقضي العمر عايش على امال لقياه
واعلن نفير الحلم واسرج جياده
يوسف الشمراني

صح الله لسانك اخي الغالي
بارك الله فيك على الطرح الرائع
جزاك الله خير الجزاء
على الإفادة
تحياتي وتقديري

شكرا على القصيدة
تسلم يداك
لاحرمنا الله من نورك
قوافل التحايا لسموك

صحت ابدانكم جميع شكراً على المرور والاطراء

شكرا على القصيدة اخي الغالي
تسلم يداااك
وجزاك الله خيرا
ودي وتقديري لك

جزاك الله خيرا على المشاركة
وان شاء الله تكون في ميزان اعمالك
الله لايحرمك الأجر .

شكرا على القصيدة
مشاركة مميزة
واطلاله رائعة
تسلم الايادي ولاحرمنا من هذا التواجد الفعال

ودي لك وتقديري

صح لسانك اختي. الفاضله شكراً لك