مجاراة بين شاعري

عديت روس النايفات الشواهيق
طلعة عدم سلوان من حر ضيقه

لو ان ما الله سنها للمخاليق
لكن صارت عندي افضل طريقه

واخذت في روس النوايف طواريق
وفيها ذكرت اللي يمينه طليقه

سعد عشير الغانمين المطاليق
يوم ان كل يفتخر في صديقه

لا يا سعد قلبي من اقصى المعاليق
تقول كنه يشتعل به حريقه

الا واكيد اشتب واغيب وافيق
افيق بين الثانيه والدقيقه

وغرقت لي من ضمن ناس غواريق
لكن غراقي في البحور الغميقه

اللي تتيه متعبين الملاحيق
لا قيل يا اهل الخيل جد وحقيقه

تودع حكيم الراي في موقف الضيق
ويموت سره ما درى به شقيقه

وانا صبرت وفوق ذا الصبر ما اطيق
وزود على صبر صبرته ما اطيقه

اخاف من صبر على غير توفيق
وانا بغبات البحور الغريقه

اغوص وارفع راسي اشوي واويق
والد الى نبت الفيافي حديقه

الغى على الضامين من بلة الريق
ومن الشفق دمع المحاجر تريقه

عبدالرحمن بن بطيحان الشهراني



رد سعد بن جدلان:

الــــف هــــلا مـاكـوســرن الـغــداريــق
ورق بـــروس عـيــاد ســــدر وريــقــه

مشـعـشـع تـحـتـه خـضــار المـشـاقـيق
ولاطــــب فــيــه مــــن الاوادم خـلـيـقــه

بـرسـالـة فـيـهـا خـفــا خــافــق ضــيــق
الـشــرح كــامــل والـمـصــادر وثـيـقــه

لايـابـعـد شـــرح الـخـيــال اللـمـاصـيـق
مـثــل الـســراب الــلــي يـتـيــه بـريـقــه

ينـوشـنـي فـيـهـا مـــن الـكـيـف تـذويــق
كـيـف النـفـوس المـضـرمـات الشفـيـقـه

من الخطيب اسمع صدى صوت عشيق
عــلــى مـراقـيــب الـســبــاع الـمـويـقــه

يخلج على وضحى عليهـا الظعـن سيـق
تـقـلـط بااهـلـهـا فـــي نـحــور الوسـيـقـه

هـــي عشـقـتـك يابوبـطـيـحـان وتـلـيــق
والـنـعــم بـالـعـاشـق ونــعــم الـعـشـيـقـه

لابــاقــتــك ولا اخـلـفــوهــا بـــواويـــق
بــس النصـيـب الـلـي سـبــق بالسبـيـقـه

فــلاصــار مـاتـنـقـاد لــــك بـالـذوالـيـق
فـالـولــف مـايـمـلـك بــصــك ووثـيـقــه

اغـلـق قـفــول مـجـوهـرات الصـنـاديـق
مـــن شـــان ماتـتـهـم حــــد بالـسـريـقـه

لاتـشـتـبـه شــارتــك قـــــدم الـتـفـافـيـق
كـــل رمـاهــا اهـــل الـجــدد والعـتـيـقـه

وتـــرى محـانـيـب الـسـيـول المعـانـيـق
تـقــدر تـشـيـلـك مــــن دنــــن للشـقـيـقـه