الضحك والفرفشة بحدود المعقول "طرح المواضيع التي تبعدنا عن روتين المنتدى الرسمي" |
![]() |
|
أدوات الموضوع | إبحث في الموضوع | انواع عرض الموضوع |
![]() |
#1 |
![]() |
![]() هع موضووووع يفطس من الضحك الموووهم هو طوويل بس ممتع المهم .. تخيلوا البنات يخطبون الاولاد يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي) و سرحان في فارسة احلامك على السيسي الابيض.. الا و امك داخلة عليك و توها جاية من الاستراحة و تقولك: يا ولدي ودي اكلمك في موضوع. . ترد انت بكل خوف : خير يمه؟ .... تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها وش رايك؟ .... ثم تنزل انت راسك في الارض و تلعب باصبعك في شعرك (او شنبك)و ترد و انت مستحي و خدودك حمرة (هذا اذا كنت محلق اللحية) و تقول: .... الراي رايك والشور شورك يايمه.. تقول امك: انا بصراحة ما اشوف في البنت شي. . ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت .. ولا عندها سوالف السفر و الخربطة و ما تشرب ولاتدخن و لا تروح لاستراحات البنات. يعني بنت ما عليها. . تقول انت : بس يا يمه هي ما شافتني من اول. انا دايما متلطم بشماغي (والله عيب بس بكمل) تقول امك: هي شافتك و انت نازل من باص المدرسة (الله واكبر يالروز رايز)... بس ..و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه. (والله فشيلة بس بكمل) و تراها هي و امها جايين يوم الخميس علشان يشوفونك.. تسال انت: طيب يا يمه ابوي وش رايه؟ تقول امك: ابوك ما يدري خليه حايس في المطبخ الله يعينه.. تقول انت :اللي تشوفينه يمه. .وتطلع امك من الغرفة وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع (ياعمري) و تقول : اه اخيرا حسَت و خطبتني. ( لا لا لا والله ما يصير بس بكمل) و قبل يوم الخميس تروح انت لكوافيير رجالي و تكون مسوي حجز و تقعد و تصبغ شعرك (هاي لايت) و تزين حواجبك و تشيل شعر يدك و رجلك بحلاوة و تطلع زي فلقة القمر وتجي البيت و تلبس الثوب اللي فصلته عند المصمم( عبده شولق) لثياب الاعراس و الحفلات واللي فيه فتحة من عند الساق و فتحه في الظهر وسيور و ذاك المكياج وذاك العطر اللي يشق الخشم و تنزل للصالة ويقولك ابوك : يالله دخل العصير على خطيبتك ترى امك ذبحتنا تسال عنك تقول انت بكل خجل: واي واي يا يبه انا استحي ابوك يقولك وهو يطق على كتفك و يضحك يا ولد روح لعروسك إهئ إهئ تقول انت: يا يبه دايما تحرجني انت واي واي و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم(صاير حكيم على غفلة) ترد هي بعد ما وقفت و عليكم السلام ( و هي تناظر فيك و في كل قطعة فيك) ... و تقولها تفضلي.... تقول هي: وش الاحلى العصير الاحمر و لا الاصفر؟ بزعمها تبي تلطف الجو معك <...تتلصق. تقول انت: كله حلو تقول هي: اكيد كله حلو لانك انت اللي مسويه ثم تحط الصينية بسرعة و يدك على فمك و تضحك و تروح داخل بسرعة ياربييييييييييييييه الا اخوانك يستنونك و يقولون: ها وشلون شكلها تقول انت: واي واي تهبل تهبل حلوة و دمها خفيف و ذوق اهههههااي الا ابوك من المطبخ يزغرط لللللللوووولللللوووووشششش شششش مبروك يا ولدي الا بدخلة اختك العربجية من بره و حاطه عبايتها على كتفها و تقول : خير وش فيه !! يقوله ابوك : قصري صوتك في وحده داخل خطبت اخوك .. تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لالعن شكلها اللي جايه تخطب اخوي شباب آخر زمن <<< والله وصرتم يالبنات تقولونها الا بدخلة امك و تسطر اختك كف و تطلع اختك بالسيارة و تفحط و تروح للاستراحة البنات <..تخيلوا عاد و تمر الايام و انت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون و تحاول انها تمسك ايدك و انت مستحي ( ومن هناك ودك و بتموت)و انت تقول لا لا عيب احد يشوفنا( يعني لو ماحد يشوفنا ترى عادي) و يجي يوم العرس و تقعد انت في الكوشة و كل الشباب حوالينك يرقصون و يغنون على انغام طيران فرقة الشاطئ للرجال و طبعا مافيه زبيدة او صيته او العنود وسارة وشوي الا العفسة قايمة : ترى العروس جايه و ينطون الرجال و الشباب كلن يلبس شماغه و يتلطم .. و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع الطرحة (طرحة البسام بصمة خمسة) و تقولك: الله صاير مثل القمر ثم تلف وجهك وانت مستحي و يتم الزواج و بعد تسعة شهور الا انت تصرخ في الليل فيك الطلق و يودونك المستشفى و تولد و تجيب توأم وتطلع من المستشفى الى بيت اهلك علشان النفاس <....حركات و تاخذها زوجتك فرصة و تسافر مع البنات و يهيصون قبل ما تخلص مدة نفاسك الله يساعدك و ترجع لبيتك تربي عيالك و تطبخ الغدا لزوجتك وتتخانقون ساعات و تنام و دمعتك على شنبك ويزيد حدة الخلاف و تاخذ شماغك و عيالك و تروح لبيت اهلك و تصلح امك ما بينكم و ترجع الحياة مثل اول..... أرجوا أن تحوز على رضاكم ملطوووش بس بحرافه قووويه الله لايغير علينا |
![]() |
![]() |
![]() |
#2 |
![]() |
![]() والله الي بنقعد بها
كان عنسنا والي بيتزوج منا اسبوع وتطلقه زوجته اشوا ان الموضوع بيدينا |
![]() |
![]() |
![]() |
#3 |
اداري عام المنتديات
![]() |
![]() سومة يعطيك العافية عسى اللي يقرا يفكر شوي في القوارير
|
![]() |
![]() |
![]() |
#5 |
مشرف سابق
![]() |
![]() شـكــ وبارك الله فيك ـــرا لك ... لك مني أجمل تحية .
|
![]() |
![]() |
![]() |
#7 |
![]() |
![]() لا والله خربتتت الدنياااااااااا بس شكلهااا ونااااااااااااااسة بس بنجرب اسبوع عشان الرجال يحسون بمعاناة الحررررررررريم تحيااااااتي سووووومة دائما متألقة
|
![]() |
![]() |
![]() |
#8 |
![]() |
![]() تسلمين لي خيتوا قلبي حيرتهم تالقي شكله بيذبل من اللي قاهريني ياربي صبرني ولا انكسر
عالعموم ماقصرتي عالمرور |
![]() |
![]() |
![]() |
#9 |
مشـرفه سابقه
![]() |
![]() الله لا يغير علينااا
مشكورهــ عالموضوع ,, ننتظر جديدكـ تحيتي لكـ يالغلآآ |
![]() |
![]() |
![]() |
#10 |
سفير شمران بأمريكا
![]() |
![]() ههههههههههههههههههههه
والله حلوه ينام ودمعته على شنبه ما اقدر اقول إلا ( بسم الله عليش ام انتي ) _ دنحي_ ههههههههه تسلمين على الموضوع يا سومة و لا اشوفك تعرضين من عند الباب حق بيتنا ههههههههههههه مشكور تقبلي مروري |
![]() |
![]() |
![]() |
|
|
![]() |
||||
الموضوع | كاتب الموضوع | المنتدى | الردود | آخر مشاركة |
تخيلو وانتو تمشون تلاقون هالحلوه<<؟؟ | أعشق حروفكـ | الضحك والفرفشة | 13 | 03-31-2011 12:21 PM |
البنات ايام اول | فارس شمران | الضحك والفرفشة | 4 | 11-11-2008 04:55 PM |
البنات تفاحات | ابو رؤيا | عالم حواء | 13 | 10-22-2008 08:19 PM |
هل تحبون البنات ؟ | المطاعي | المنتدى العام | 6 | 08-30-2008 06:29 AM |
تخيلو عندكم عمال زي كذا | مغترب عن شمران | المنتدى العام | 5 | 01-22-2008 04:37 AM |