فوق هام السحب ( الشعر الشعبي) على متن القوافي

‏حبّه بصدري سالفة سر في بير
وكن الفؤاد يقول هذا زبيني

أشفق على علمٍ يجي منه من غير
لا يسمع اللي سولفو به ونيني

ياكثرهم غيره ولكن خبر خير
ماغير شوفه فالوجود يهنيني

‏محمد ابن فطيس

أغبط تقيٍّ صار زوده بتقواه
عبدٍ لصوت الحق يرخي سموعه

يفرح بصوت منادي الحق لا أوحاه
‏عجلٍ على المسجد بطيٍّ ركوعه

بندر بن سرور

يارب يارب ياعالم بحال الفقير
يارب يارب ياجابر عظام الكسير

يارب يارب يامعطي الجزيل الكثير
يارب يارب يامعطي العظيم الكبير

أسألك رحمة عظيمة للذميم الحقير
بها ينال الأماني جلّها والصغير

يارب يارب هب لي فوق مافي الضمير
يارب يارب يامن له إليه المصير

يارب أنت وكيلي والولي والنصير
يارب يسّر لنا اليسرى وفكّ العسير

وأطلق قيودي من الأهواء وحلّ الأسير
إليكَ أشكو وبك ياخالقي أستجير

وحسن ظني بفضلك يا إلهي غزير
فلا تخيّب رجائي يا السميع البصير

واختم بخير إذا حان السفر والمسير
وصلّ ربّي على الهادي البشير النذير

والآل والصحب تعداد النعم والحمير
مع السلام الذي ماله شبيه أو نظير

والحمدلله حمدًا ليس له من أخير
ندخل به جنة المأوى وما له نظير

ابن طاهر

‏جعل نفسي في ذرى ربي ورحمة ربي
‏من ذنوب الغافلين ومن ظنون الريبه

.....

‏اليتم يتم الأدب والموت موت الضمير
والحب حب المعالي باختلافاتها
‏
‏والجرح جرح المشاعر من لسان الحقير
‏والصوم صوم الجوارح عن شهواتها
‏
‏والبخل بخل الغني والجود جود الفقير
‏والبعد بعد النظر ماهي مسافاتها
‏
‏راجح المغيري

يموت القصيد إن ما لقى منك الترديد
‏مثل ما يموت الليل لا شحّت أوقاتك

.....

ياسعود أنا مريت لي بيت مهجور
‏موحش وصوت الريح تصفق طياقه

‏وقفت به لحظه وعيني على السور
‏رغم ارتفاعه قاسي الهجر ذاقه

‏ماجور يابيتٍ شكى الهجر ماجور
‏وقت اللقا دايم سريعٍ فراقه

.....

ﻗـاﻟﻮﺍ ﺁﻥ ﺁﻟـﻮﺻﻞ وﺁﻟﻔـﺮﻗﻰ ﻧﺼﻴـﺐَ
ﺅﺁﻟﻨﺼﻴﺐ ﺁﻥ ﺷـاﻥ ﺳﻴﻴﻞ ﻣـﺪﻣﻌك

وانـا ﺩﻋﻴــﺖ الله والله ﻳﺴـــﺘﺠﻴﺐَ
ﺅﻳﻦ ما ﻳاﺧــﺬﻙ ﻱَ ﺧـﺬﻧﻲ ﻣــﻌـك

.....

ابك يا أصدق شعورٍ دخل قلبي بلا استئذان
‏هلا بك يا النصيب الي نثر وجهه على اوقاتي

‏احبك والهوى نعمة وحبك نعمة الرحمن
‏ولو كان الهوى غلطة فحبك كل غلطاتي

.....