فوق هام السحب ( الشعر الشعبي) على متن القوافي

خل الغياب لغيرنا حنا تعودنا الوصال
انا انتظر وصلك عمرَ واردد ان شفتك هلا

مكانك بقلبي هنا ماياخذه غيرك تعال
يفز قلبي لو تمر وان غبت قلبي ماسلا

.....

‏تطري علي واشتاق لك واتمناك
‏والقاك حلمٍ من بعض ذكرياتي

انا ادري اني صرت ماني بوياك
‏لكنك احلى حلم مر بحياتي

من عاشرك ماظنتي بيوم ينساك
‏مهما تغيب تكون لي مثل ذاتي

واصعب مواقف دنيتي يوم فرقاك
‏فيها عرفت انك تساوي حياتي

.....

عسى وجهك يسامحني على التقصير
‏يابو وجهٍ يغربني عن افكاري

‏احبك والسفر نوعٍ من التغيير
‏اسافر لك وأنا في زحمة اعذاري

‏اقول اسف وأنا الأسف على التأخير
‏انا المشتاق للغربه عن دياري

‏واذا تسأل عن اخباري بكون بخير
‏مدامك أنت تسألني عن اخباري

.....

افعل المعروف وتشوف العجايب
كل حاجه ممكنه تقدر عليها

يمكن تنجّيك من بعض المصايب
حاجةٍ في وقتها وفقت فيها

قمت معّ محتاج والا اسعدت شايب
انت ناسيها وربك مانسيها

.....

ياما قطعناها من الميل للميل
تبي تجمركنا ولا جمركتنا

تلعب بنا الدنيا وحنا رياجيل
لا غيّرت فينا ولا حركتنا

.....