اخترنا لكم

يـا فاتـــــنه يـامترفـــه يـاجميلـــــه
ياللــي ذوات الحسن منك يغــارون

يـاللـــي جمـــالك مــالقينـــا مثيـلـه
وياللـي ذوات الـذوق منك يعانــون

.....

اثر البيوت بدون اهلها ولاشي
يجلب محبتها غلا من سكنها

في مامضى نشفق على البيت والحي
واليوم لامريت صديت عنها

.....

‏مشغلني التفكير في بعض الأمور
‏تجمعت في وقت واحد كلهّا

‏محتاج لي مخرج ومنفذ للعبور
‏للشجره اللي تحتويني ظلها

‏صبرت فالدنيا وانا مّاني صبور
‏شيّبت من كثر الهموم وحملها

من كثر ما اعشق ملذات الشعور
اهم لذه ماعرفت اسعى لها

‏أحلام في عقلي وفي راسي تدور
‏بس النهايه ما قدرت اوصل لهّا
ِ
.....

افا ياصدري ضقت من جاير الوقت
‏خابرك ياصدري تشيل الثقايل

‏وش فيك علمني لك ايام ما رقت
‏ضايق وفيك الهم صايل وجايل

‏خابرك ما عمرك للأحزان رافقت
‏و اليوم كنك شايل جبال حايل

.....

‏تحاذف على راسي من البارحه لليوم
‏همومً مع هوج المراويح تومي به

‏انا من دموع العين والله ماحولي نوم
‏ماغير اسكب دموعي من الفجر للغيبه

‏يا دمعي عداك اللوم والله ما حولك لوم
‏تصبر على موته وماجت به تجيبه

صديقي خذاه الموت والموعد المحتوم
وحزني على كبدي تراكت مشاهيبه

قبرته وصدري من خبر موته مزحوم
هذي والله الغيبه ليا قالو الغيبه

لو ان البكاء بيفيد ببكيه لين يقوم
خذته الليالي من يدي كيف بتجيبه

ياوجدي وياويلي وكبدي ومال القوم
على اللي خذاه الله وانا عاد ودي به
ِ
.....

‏اتركوني من النشده وبحث الخوافي
‏وابعدوني من الديره لدارً فسيحه

‏جعل مامر صدري مايمر السنافي
‏عفت شوف الحضور ومطرويً القريحه

‏ضايقً من فراق وضايقً من تجافي
‏اتقوى وانا حالي دنى من مطيحه

‏يكذب اللي يقول ان المفارق عوافي
‏لا يحس بشعور ولا يعرف النصيحه

.....

‏تدور الليالي والعرب بين حال وحال
‏وتبقى النفوس الطاهره نهجها بيّن

.....

أغلب هل المزح واللي ضحكهم واجد
‏يخفون بالصدر من جُور الزمن عبره

.....

المُوجِعاتُ على المدى أَمرانِ
فَقدُ الحبيبِ وغُربةُ الأوطانِ

.....

احلامنا ماهي على الله صعيبه
‏لا بد ما ياتي لها يوم و تكون

‏لو كان تالي وقتنا يندعي به
‏ياكثر من يضحك وبه ناس يبكون

‏السيل لا من سال يجرف شعيبه
‏وخلاه قاع ومن قطن به يهلكون

.....