اخترنا لكم

‏بعض الاوادم لـــو يوريـــك طيبه
‏كم واحـــد طيبه خديعه وتدليس

‏يمكن وجـــوده في حياتك مصيبه
‏آدم خسر جنه سبب صحبة ابليس

.....

مجلسـك حنه من ثلاثــة رجاجيل
‏ اللــي ما منــه خــير لا تستضيفه

‏الأول اللـي قلبه أســود من الليل
‏طبيعــته عكـس القلـوب النظيفه

‏و الثـاني اللـي ينقل القال والقيل
‏يعطيك هـرج و منك ياخذ رديفه

‏وأحرص من الثالث لايلقا مداخيل
‏ اللــي مالــه ذمه ونفسه ضعيفه

.....

‏العبي اليا لعبت بك نسانيس الهبوب
‏يا عنود كمّل الله جميع وصوفها

‏احذفي الشيله وغني مع القاف العذوب
‏الـمشاعر من جـفيّاك طـال وقوفها

‏وطوّحي يا فتنة الروح بالصوت الطروب
‏العرب من عقب شوفك ما عاد اشوفها

‏ادري ان ظروفنا اقبلت من كل صوب
‏والـعواذل في هوانا تـحد سيوفها

.....

لا تطلب الحـــاجه ورا قاصر المد
‏ولا تستمع فعلوم جاهل وملقوف

‏ولا تعطي اسرارك لمن يفشي السد
‏ولا تنتظر من فـاقدوالطيب معروف

.....

‏حــاول بدنيـــاك لا تزعل ولا تشره
‏و الكلمه الهــافيه لا جتك جز عنها

‏كانك تبي موقفك عشره على عشره
‏نصيحـــةٍ مـــن يجـــربهـا يثمنهـا

.....

‏الشـــك باب ويفتحه كل مفتاح
‏وإذا أنفتح ضـيق عليك الـــزوايا

‏إن كان ودك تقضي العمر مرتاح
‏حاكم ســلوك ولا تحــاكم نوايا

.....

‏فاقد اللي في تفاصيلها مت وحييت
‏اللي قلبي من بعدها الشكوك تساوره

‏كلّ ما طالعت فيها طلعت بشطر بيت
‏كنّ صف رموشها السود صف محاورة

‏أنا مثل إحساسها العذب ماعمري لقيت
‏المطر تستنطقه والسحاب تزاوره

‏كانت تْسولف عن الغيم مرّة ما دريت
‏ألا أنا جالس على الغيمة المجاورة

.....

‏ايه لبى نور وجهه وداره واعربه
‏واييييه لبى كل حاجه بدون مقدمات

‏لاهنف لليل وراخى الظلام بـمنكبه
‏جات سكرات المحبه مع كل الجهات

‏من تفاخر ب الحسن والدلال بينكبه
‏كن من فوق البسيطه ماغيره مُغريات

‏لا مشى بشويش بشويش كلً ينتبه
‏يسلب عقول الرجاجيل وعقول البنات

.....

‏لاعاد تنشدني ورى خاطرك شين
‏بالله خل اللي بصدري بصدري

‏ أنا أدري إنك يارفيقي حمر عين
‏ ولاتنشد إلا كود من زود قدري

‏ مير الزمن يومي بنا يسار ويمين
‏ وأنا تصدد منك مبغاك تدري

‏ دايم نقول إن تالي الوقت بتزين
‏وإن كان تبغى الصدق والله مدري

.....

‏خلك على الدنيا صبور وقوي باس
‏وخلك على الشــده قوي العزيمه

‏ولا ترتجــي رد الجمايل من الناس
‏النــاس إذا افتكيت أذاهـم غنيمه

.....