اخترنا لكم شعر نبطي وفصيح

‏ابتسم للنـاس واضحـك للحيـاه
‏ولـو تضيق اليـوم قـل باكر تزيين

‏اعــرف إن الله وحـــده لا ســواه
‏قــادر انـه يبهـج الصـدر الحزيـن

.....

‏يا سلّابة حشاي الحب فيه من الجنون فصول
‏جمالك كعبة متيم هواك وقبلة أشعاره

‏يميزك الدلع عن كل هيفاء عودها مفتول
‏لقاك المشهد اللي ما تملّ العين تكراره

‏كحيلة طرف عاجية ترايب فاحمة مجدول
‏مزّينك الترف ما زيّنك خلخال وسوارة

.....

يا مرحبا واتركي الاعذار عذرك سمين
‏جيتي و كل الأماكن قرّت عيونها

‏هاللحظة اللي فرح فيها الشعور الحزين
‏باعيش واموت شاكرها وممنونها

.....

يالله أني طالبك ياذوا الجلال
‏حاجتين في حـــياتي كـافيه

‏طالبك بالستر والرزق الحلال
‏وغيرها ماعاد أبي ألا العافيه

.....

ياللي تميلح بالسنابات مفضوح
‏الكذب عيب وكلمة الحق تنقال

‏حصلت لك فلتر يخليك مملوح
‏دور على فلـــتر يخليــك رجـال

.....

والله اني ما اتحســـف واتصاغر حالي
‏غير يوم أخطي على طيّب ويغضي عني

‏الله يقطع هــرجةٍ تجـرح مشاعر غالي
‏والله يقطع هــرجةٍ تـزعل صديقي مني

.....

لا ضاع لك معروف في بارد الحيل
‏لا تعتبرهـــا ضـعـف والّا هـزيـمـه

‏ترى الجمايل في ضعـوف الرياجيل
‏مثل المطـــر على الديــار الوخيمه

‏اكرب حزامك والعوض فالمقابيل
‏والـتـجـربه تـعـطـي للانسان قيـمه

.....

‏يالطيف الروح يالغرو الصغيّر
‏ياغزالً فـ الحسن زايد رصيده

‏كل وصف يسير لك ماهو مخيّر
‏يالوصوف النادرات من القصيده

‏منتي بشوط القعود ولا حويّر
‏والله انك نخبةً الزين الوحيده

.....

‏صـار أكثر حكانا مشاريـه وعتاب
وصـار التواصل بس لاصـار فاقه

وصار الزعل من بينا ماله أسباب
وعلى الرضى ماعاد للقلب طاقه

وقلت سوالفنا عقب ذاك الاسهاب
وراح التـودد واصطنـاع اللباقه

طاحت مناعـة حبنا والغـلا شاب
وهذي مواري قرب موت العلاقه

.....

محـبتك بس من مـده إلى مـده
والوصل دايم على كيفك ومشهاتك

دامك نويت الجفا والبعد والصده
مافيه داعي تتراجع عن قرارتك

إن كان جو الملل حدك على الرده
مالله خلقني عشان أملا فراغاتك

.....