فوق هام السحب ( الشعر الشعبي) على متن القوافي

المشآعر روح بآحسآس الحروف
ترجمتها أحسآس في وسط الگلام

گم يذوب القلب من ضم الگفوف
وگم يذوب الشوق بعيون الهيآم

.....

‏رد قلبي للدفا ، للصبح وأحلامي القديمه
‏لليقين إن أجمل أيام العُمر فيما تبقّى

‏للكلام اللي عثت به شر خيبات الهزيمه
‏لين ما خيّم عليه الصمت وحروفه تتقى

‏ردني للفجر الأزرق يوم للضحكات قيمه
‏تنتشي فيني قصايد حُب لو قلبي مشقّى

.....

‏ياما خسرنا والحياة استمرت
‏حنا من اللي .. ما نعد الخساير

.....

‏أعيش أعذب ليال الحُب بلا حاكم ولا دستور
‏ولاني سامع لرأي ولاني خالفٍ ديني

‏قلبٍ كم سعى لِرضاي ولا قد لاح منه الجور
‏وعينٍ ما غفت ترجي لقانا لأجل تحويني

‏أحبِّك يا أول أحباب المُحب الشامخ المغرور
‏وأحبِّك يا آخر أحبابي ولو زادوا مُحبيني

.....

بنت شيخٍ لاحضرت نورت كل المكان
كنها شمس أشرقت و المحاسن فالها

.....

‏سلامة جفاك اللي خذا البال من دنياي
‏احب السكوت ان صار كل الحكي كذبه

‏تكاثرت عذرك لين صار الفراق رضاي
‏وانا شخص ما يكذب لسانه على قلبه

.....

ارسل يقول ابتصل قلت حياك
مفتوح لك مابين الاضلاع طاقه

القلب قلبك والخلايا خلاياك
وانت اعتبرها حب ولا صداقه

ودي اسولف لك واسمع خفاياك
عقب انقطاعك مابقى الا اشتياقه

.....

ظروف الايام مثل السمعه الشينه
‏ ماودك تشوفها في واحد غالي

.....

الشعر مايروي عطش قلب مقهور
ولا يداوي جرح نفس مغبونه

لو نكتب الابيات باحساس وشعور
نار الحزن يفرض عليها لحونه

.....

على طاري اللي لا طرالي وانا مرتاح
‏تسابق هموم الصدر وتحول الدمعه

‏سريت اتبع القمرا ونور القمر وضاح
‏وانا ماسريت الا وانا عايف الجمعه

‏عطيت البريمي ضيقتي خابر انه سلاح
‏خوي المساري ليلة السبت والجمعه

‏دوا ضيقتي لا قام يطوي طوي مسباح
‏خطوط الطريق الي لا كهرب ولا شمعه

.....