اخترنا لكم شعر نبطي وفصيح

حاول تسلي خاطرك قدر الامكان
‏حتى لو ان عندك مشاكل كثيره

‏ لا تصير متكدر وضايق وزعلان
‏ خل الكبيره في عيونك صغيره

‏ ولا يهمك صدة فلان وفلان
‏خل يروح ويرزق الله غيره

‏ واللي تشوف انه مع الوقت مازان
‏ ما تدري انه يمكن يكون خيره

.....

تزاحمت بالصدر بعض العبارات
‏ وفضلت عن بعض الكلام السكوتي

‏ وأخذت لي هدنه ووقفه مع الذات
‏ حتى أختفت بالحلق نبرات صوتي

.....

وللنفس خاطر لا توده تردّت
‏تختار دربٍ ما به عتبٍ ولا جاري

‏من يوم شفت الحال عنّي تبدّت
‏عِدت لذاتي… ما أبي وصلٍ طاري

‏واللي نسى قدري وأنا ما تعدّت
‏خليته ل أيّامه… وللوقت جاري

‏وإن ضاق بي يومٍ على الباب ردّت
‏نفسٍ عزيزة ما تِحطّ انفـسها داري

.....

‏ليه المساء عوق الشقاوي وطبه
‏وليه الهبوب تصحي القلب لابات

‏وليه القمر يدعي جريح المحبه
‏ويقول له ياهيه مافات مامات

.....

‏السلام أسهل أساليب التواصل
‏وأجمل أنواع السلام الإبتسامه

‏أبتسم ترى العمر تحصيل حاصل
‏كن سعيد اكثر تكون اكثر وسامه

.....

‏راع الردا لا تجبرونه على الطيب
‏العبد ما له غير ما الله كتب له
‏
‏اشهد شهادة حق مدح الردي عيب
‏مثل الصلاة اللي على غير قبله

.....

‏كل ليل اسامر الشعر لا حل الظلام
‏لين اجيب الفكرة اللي تعدا المنتبه

‏والمكان اللي جمع في اراضيه الحطام
‏انولد فيها قصيدة وكبرت موهبه

.....

‏يا كم مرّ سبت من التحرّي و عوّد سبت
‏لكن الوعد لا من عتق مشرقه دارك

‏أنا اللي سقيتك من بياض الوجيه و غبت
‏ولا جيت ليل ولا إقتطفتك من أسوارك

‏متى ما إعتراك الشكّ في ما مضى و إرتبت
‏أنا أقرب من مزوحك و ضحكات زوّارك

.....

النفس محتاجه رضا الرب عنها
ماهي بمحتاجه لعطف المخاليق

والنفس خيل ومن يمهل رسنها
جابت عليه الهم والغبن والضيق

.....

الحب له معنى وقيمه وقانون
ويبنى على ود وصراحه وعشره

واذا لقيت اللي يحبون مليون
بتحصل اللي ما يخونون عشره

.....