اخترنا لكم شعر نبطي وفصيح

رجل تعزه بعد ما تلتقي فيه
ورجل قبل لا تلتقي به تعزه

ورجل ترزه بالمجالس مباديه
ورجل فلوسه بالمجالس ترزه

ورجل يموت ولا يجيبون طاريه
ورجل يجي طاريه في كل حزه

ورجل ضعيف ويستفزه معاديه
ورجل كلام إعداه ما يستفزه

ورجل يهزه بعض موقف ويشقيه
ورجل ما هوب ايات موقف يهزه

ورجل تلزه يعترف لك بخافيه
ورجل على خافيه محدً يلزه

ورجل يوزونه ويزعل بن أخيه
ورجل يزعل من يحاول يوزه

ورجل تكزه لازم إنك توصيه
ورجل بليا ما توصيه كزه

ومن لا فرش للمرجله ماتغطيه
ومن لا يخب الناس محدً يخزه

ابو مالك

‏يا سيدي يا صقر نجد العريبين
‏فعلك يصدق ما نطق به لسانك

‏ماهي غريبة، لا ولا . من سنين
‏وانت السناد اللي نِعم به زمانك

‏سيدت رايك بين جمع السلاطين
‏واثبت إن العالم يمشي على شانك

‏كم من زعيمٍ قال وماهم بفاعلين
‏وانت الفعل يسبق حكيك وبيانك

.....

‏ترى الكلام اللي مثل قطف الزهر
‏لاقيل عند اللي مايفطن له..ضياع

‏حتـى ولـو إنــه..مثل نبع النهر
‏والا الذ من الوصل بعد انقطاع

‏خله بصدرك..يوم..يومين ودهر
‏ولا تسولف به على الناس الرعاع

‏حسن استماع الناس..للكلمه مهر
‏وماتثمر الكلمه بلا حسن استماع

.....

على دروب الغلا ماعاد لك جره
‏وش غير القلب والاحساس يا كافي

‏أسرفت في حبك وبالغت بالمره
‏والظاهر الوقت حاسبني على اسرافي

.....

مهما تسوي فالردي من معاريف
ينكر معاريفك تقل ماقد كرمته

هذي طباعهم وهذي السواليف
ياخوك لاتجرب ولا مرة تخلّه

عزّام الجبلي

ما عدت اشكي والحشا يلتهب نار
وجرح الخفوق اللي من الهم غاير

جمًلت روحي بالصبر والتصبار
وسويت به من دون ربعي ستاير

أخفي عن الشمات جرحي بالاسرار
والله عليم بجرح يكوي السراير

ما دام جرح الحر يدمي للأحرار
خيطت بيدي الجرح مثل الحراير

.....

‏لا صد عنك مــن يساوي حياتك
‏علمه ب انك تعرف تصد ثم صد

‏ومن لا حشم روحك وقلبك وذاتك
‏على مدارى خاطره م انت محتد

.....

الله يزيل الضيق عن شاكي الضيق
ويعوّض الضايق سرور وسعاده

ويحقـق الأحلام للناس تحقيق
ويـزوّد الصابر صمود وجلاده

.....

مَا يعزك في زمآنك وأنت حي
غير طيبك عند ربعك يَا بعدي

ولآ يذلك في زمآنك غير شي
حآجتك لآ جآت في كف الردي

.....

لا تكره الدنيا ولا تلعن الناس
لِلحين فيها ناس مثلك نظيفة

وكانك تفكر وين تقدير الاحساس
غيرك يفكر وين ياكل رغيف

.....