انا تهامي

ياشاهره سيفك على قلب رجال= انا تهامي مايهاب المواجه
امشي على حتفي واغني مع اللال= اشرب قراح الدم وارفض هماجه
عرق التهامي لانبض فوق بالعال= يرجف عظم ساقه ويعلن هياجه
يصعد على العليا ويمشي مع الجال= مايلتفت للخلف دايم يواجه
وانتي تبي مني اغير لك الحال= واكسر بوصلك روح عنق الزجاجه
واصبح كما عابث تمتع بتمثال= غير جمال الوجه واخفى سراجه
يامعلله رفضي لوصلك كمن قال = خايف يضم الجسم وقت ارتجاجه
انا اموت بميلة الخصر لامال = وانا اضيع بوقفته واعوجاجه
واذا برز صدر الصبا فوق يختال= اكتب قصيد الشوق واعلن غناجه
وارسم على كف الغلا الشمس واظلال= بسمة غلا يكسبها الخل عاجه
واشرب من البسمه عسل سدر لو سال= في فوهات الحزن عدل مزاجه
لكن حدودي كلها شوك وجبال= وارفض جنون العقل وقت السذاجه
لاتفتنيني وارحمي قلب رحال = يمكن على الترحال يلقى علاجه
انا وريث العز من ظهر رجال= اسمه ولد شمران ليث المواجه
اللي بنى فيني من الصغر أمثال= فيها كسبت المجد واقطف خراجه
ماتسوقني نفسي لحتفي اذا زال= عقل الفتى يابنت عندي سراجه
لكن طلبتك البسي العز في شال= حد العشق لايرتقي للزجاجه

ابراهيم الشمراني
ناظم الهمسات