الزريبة ..

السادات رحمه الله كان داهية بحق ..
سأل رحمه الله سيد مرعى وزير الزراعة في مصر حينها : إيه أخبار مزرعة تسمين العجول بالفيوم إللي وعدتنى فيها يا سيد ..!
رد عليه سيد مرعى : جاهزة على الافتتاح يا ريس ..!
رد عليه السادات : طيب بكره 10 الصبح هفتتحها ..!
طبعًا , لم يكن هناك لا ارض ولا مزرعة ولا بطيخ هههه
المهم ذهب مرعي إلى الفيوم على الفور، وجهز المزرعة والعجول ، وذهب السادات في اليوم التالي فوجدها حاجة تفرح وعامرة بكل أنواع العجول وانتهت الزيارة ..!
أخذ السادات سيد مرعي على جنب وسأله : استأجرت الجاموسة بكام يا سيد ههه
فوجئ الوزير سيد بالسؤال ورد : بعشرة جنيه يا سيادة الريس ..
فرد السادات عليه : مش كتير ب 10 جنيه على 12 ساعة بس ههه
صُعِق سيد مرعي وسأله : مين يا سيادة الريس إللي خبرك عن إيجار الجواميس ..
قال السادات : يا سيد أنا ولد الصعيد ، أنا دخلت على الجواميس ، والزريبة لقيتها هايجه ومش على بعضها والحالة دي بتحصل لما الجاموس بيكون مش في زريبته ..!!

الخلاصة يا جماعة الخير , إذا دخلت على مدير او مسؤول ولقيته هايج مايج ويشطح وينطح وكل يوم له قرار , فأعلم أن هذ المدير او المسؤول مش في زريبته ، هو هنا فقط ليستفيد كما يفعل من هم اعلى منه ..!!!