فوق هام السحب ( الشعر الشعبي) على متن القوافي

ما غيّر الليل لونك يا بياض القنوف
‏ولا كفكف الصمت بوحك والقصيد ثروي

‏انا اكثر اللي تحدّت في الحياة الظروف
‏وانا اكبر اللي تعالت والذياب تْعوي

‏ما هزّني ريح هجرك دام كلي وقوف
‏ان قلتها في المجاز او قلتها معنوي

‏ما مات عقبك شجر روحي ولا اشعر بخوف
‏مع اني الطف من النسمات قلبي قوي

‏والله لا ادوس المحبة وانت عينك تشوف
‏ما قلت ادوسك لانك يالبعيد بدوي

‏انا احترم كل من كانوا بقلبي ضيوف
‏مع السلامه وداعاً روح دوّر خوي

.....