اخترنا لكم شعر نبطي وفصيح

بسجل اوجودي وانا احب الابداع
‏واعسف حروف القاف غصبٍ وطوعي

‏عسفتها يوم الهواجيس تلتاع
‏وبنات فكري بالحناجر تلوعي

‏بسوق المحبه فيه شاري وبياع
‏ومن البشر من كل جنسن ونوعي

‏وسهم حبه راكزه بين الاضلاع
‏وسهام غيره بالمحبه وقوعي

‏غرونٍ لعوبن مالك الحسن بجماع
‏ويتل قلبّن بالموالف منوعي

‏ابيض نحر والعين من شافها ضاع
‏حلو الردوف مجّوع الخصر جوعي

‏زينّه طبيعي ماتنصنع تصنّاع
‏وانا على ما قدر الله قنوعي

‏ماني مثل بعض الرياجيل تبّاع
‏لو اكثر العربان صارو تبوعي

‏للنفس غايه وللمراقيب طلاع
‏وللبشر ربٍ رحيمٍ شفوعي

.....