احدن ينام وحط راسه بكمه واحدن

اخترت لكم هذه الرائعه من قصائد

الشاعر الراحل / بندر بن سرور العتيبي اتمنى ان تحوز على رضاكم وتنال اعجابكم


يالله ياجال الامور المهمه*****تجلي وهج قلب برى حال راعيه


البر دجته والبحر رحت يمه*****ادوج سبب حظ على الله مساعيه


يوم ان ولد اللاش رزقه على أمه***رزقي على اللي ميت القشع يحييه


ماني وانا بندر ببياع دمه*****يقطعك يابياع دمه ومهنيه


اللي يبيع لابسات الازمه*****ثور يبى بيض العماهيج تغنيه


يزعل ليا جت ليلةالدول يمه*****يرضى بسوق المال بأخيه وابيه


خطو البخيل اللي يكبر معمه*****يقرأ الكتاب وواجب الله مخليه


أما هرج له في رفيقه بنمه*****والا عطا وأمه تضيع هقاويه


يا مل قلب كل مامات همه*****دارت دواليب الدهر لين تحييه


فراق شمل الناس عيا يلمه*****وقت يشيب الراس من شاية (ن)فيه


أحد ينام وحط راسه بكمه*****وأحد تخم النوم عينه وتخطيه


وأحد يحاول بالردى بنت عمه*****وأحد يحاول ستر عذراء عوانيه