آه منـّـك يادموعي ليلة الفرقا نزلتي ! ! !

آه مــنـّـك يادمــوعــي لــيــلــة الــفــرقا نزلتي . = . والعـرب تنظر وتسأل ياترى وشهي المصيبة .
.
الله اكــبــر ياعــيــوني كــم من الحسرات نلتي . = . نلـتي الحســـرات ما هو بالرضا لكن غصيبة .
.
وان صمـدتي ياعيوني وان صبرتي واحتملتي . = . حاربك هــــــمّ الفراق وخاسر ٍ من هو حريبه .
.
ياظروف الـوقــــــت حـنـّـي والله انك قد قتلتي . = . خافق ٍ مجــروحْ وجروحه من الفرقى عطيبة .
.
يالليالي الســـود بالله لـيـه فــيــنـــي ما عدلتي . = . ليه شبيتي خــــفـــــــــوقي ليه زودتي لهيبه .
.
يالـمـشـاعـر لو نزفـتـي واحـتـرقتي واشتعلتي . = . كــل هــذا مايرجّع صــــــاحبٍ فـارق صحيبه .
.
يالـحـبـيـبـة فـي وداعـك لـيـه للـــــونات شلتي . = . كان ودي ترحــــلي من دون صوت يالحبيبة .
.
يـوم جـيـتـيـني بعـلـمــك يوم عندي قد وصلتي . = . شفت انا بعـــيــــــونك آثار ٍ لدمــعاتٍ غريبة .
.
اثرها الفرقى دعت لك واثرك انتي ما احتملتي . = . اثرها الفرقى علينا حــكـّــــمت سيف الغليبة .
.
قــد عــطــيــتــك قــلبي آنا وانتي بقلبي دخلتي . = . قلت هذا بيتك العــــــــــامر بقلبي وانزلي به .
.
وانتي بــحــبــك عــطــيــتي وانتي بحبك بذلتي . = . مير خانتنا ظـــــــــروفٍ ظالمة ْ جدا صعيبة .
.
والله انك يــــوم رحــتــي والله انك قـــد جعلتي . = . حالتي مثل المـريض اللي يئس منـّـه طبيبه .
.
بعـد مـارحـتـي وغـبـتـي بعـد مـاعـنـي انتقلتي . = . انتظر موتي يجيني عمرْ ضايعْ وش ابي به .

. . .
شعر /
علي القرني
( راجي الوصل )