لاتمنن عليّ بسهرك يا وليف !!!!!

نظمت فقلت :
..
..
لاتمنن عليّ بسَهَـرك ياوليف
سَهَـر اهل الهوى للحب ماهو بشي
.
خل طبعك ودود . . وخل قلبك نظيف
و اطو مشوار صدك يا ( غلا العمر ) طي
.
التراضي مطمئن والتجافي مخيف
ما ورى صدك الا . . كل جرح ٍ وكي
.
مانيب اعرّفك وانت بحبيبك عريف
مايموت الغلا والقلب نابضْ وحي
.
ادري ان الهوى والحب شي ٍ كليف
وادري انْ فيه جوع وفيه زادٍ ومي
.
لكن ان كان هذا حظنا ياوليف
وش نسوي ما دام الحب اخذ كل شي !
...
وسلامتكم