مجاراة بيني والشاعر عبدالله الخليفي

قبل ما ابدى اتمنى ان القصيده تبقى في هذا القسم



مجاراة بيني والشاعر الكبير عبدالله الخليفي

اتمنى ان ترتقي لذائقتكم



عبد الله الخليفي :





لو إن شعري فيه للنـاس تفسيـر
كان أصبحت كل الحقايق .. حقايق
ما يظهر الشاعر بخآفيـة للغيـر
إلا ... ليا كان الفضا فيه ضآيـق
وآنا .. كتبته دون خافي وتشفيـر
مير الوكـاد إنـي مقنّـد ورآيـق
قبل الهبوب يهبّ في تالي عصيـر
و أفلّها .. و أظهر عليهـا وثآيـق
وآسج .. لامنه طرى طاري الطير
اللي ملك في وسط جوفي حدآيـق
ولولا الحدآيق ما خبرت العصآفير
سبحآن من كمل بخلقه .. خلآيـق
ياكم عشقت .. وخآبر إنها مقادير
يمكن تموت أحلآمنا فـي دقايـق
إلا أنت غير" ولا تبسمت لي غير
أروق لو ماني مع النـاس رآيـق
دآمك معي .. ياليت خلق الله بخير
وأن غبت عني.. جعلها في حرآيق





صالح أحمد الشمراني :




الهمتني أبيات و إن غرد الطيـر
تنهض أحاسيسي لزين الخلايـق
هاجوسك اللي مايجي منه تقصير
إن كان في واد النكد صار طايق
كنك تشوف بعين زهر النواويـر
تقبل عليه مـزون تقبـل دفايـق
لو إن شعري فيه للناس تفسيـر
كان اصبحت كل الحقايق حقايق
الله مـن فكـرً يزيـن التعابيـر
الله من فكرنً سجيـن الحدايـق
الله من بيـتً يغطـي شواعيـر
الله من إنسـان صـادق وثايـق
كل الفيافي واسعه لكـن العيـر
بلحالها للرحب صارت عشايـق
إن كانت الدنيا كما نافـخ الكيـر
وجدي كما بستان زاره حرايـق
يا حامل الأطياب عاتت أعاصير
عطها فؤادك لجل تنسى العوايق
بعض البشر قلبه سجين النواوير
والبعض في بيدا التعاسه طلايق
و اهديك من ثنتين زين التباشيـر
موضعك في الأثنين منزال لايق