المنتدى العام مخصص للمشاركات العامة والمتنوعة)(تطوير الذات)(سوق الأسهم) |
|
أدوات الموضوع | إبحث في الموضوع | انواع عرض الموضوع |
10-13-2009, 01:07 PM | #1 |
مراقب سابق
|
كلمات مسروقة من دفتر طفل كتبها بالعامية
بسم الله الرحمن الرحيم سلام الى كل الاعضاءوالزوار السبــــت: فتحت عيوني..أدور عن نور..أمروني <غمض>..و...غمضت..بعدها ما شفت لا ابيض ولا اسود ! الأحــــد: كنت أسمعهم يقولون:<ألعن أبوك!>,<يا حمار>,<يا حيوان>, <يا ثور>,<يا بقرة>,<يا لوح>,<يا جدار>... ((محشووومين)) فتوقعت اني في حديقة حيوانات..فتحت عيوني ابغى اشوف هـ(الحيوانات)..قالوا لي:"ما يصلح تشوف قلة أدب".. سألتهم:طيب..في عصفور؟؟ صرخوا في وجهي:<انطم وغمض> الاثنيــــن: سمحوا لي اشوف التلفزيون..كنت لحالي منسجم مع أفلام كرتون..دخلت امي..وكان ابو عائلة ادمز(يبوس) أمهم..ركضت امي ..غيرت القناة.. وصرخت بأعلى صوتها.."عيب عليك..قاعد تشوف قلة أدب..!!" ناظرتها بكل براءه وانا متعجب من اللي صار:"طيب وش صار؟؟أبوهم يبوس أمهم!.." قالت لي وهي معصبه مرررررره(التبويس..قلة حياء!!) بعدها بأسبوع..شفت امي تسلم على ام الجيران و(تبوووووسها)..قلت لها وانا كلي أسى"يا ماما..التبويس قلة حياء!!.." الثلاثـــاء: بنات خالتي عندنا..وكنت الولد الوحيد اللي يلعب معهم..وأبوي بس يبحلق عيونه فيني وين ما رحت ووين ما جيت.. بعد ما راحوا..ناداني أبوي وقال:"عيب الواحد يجلس مع بنات..قلة أدب..!" بعدها بكم يوم..كان أبوي جالس مع عماتي..ناظرته بطرف عين(وتبون الصدق حقدت عليه).. وقلت له:"اللي يجلس مع بنات..قليل أدب!!" الأربعــــاء: كنت اسمعهم يقولون(صدام قوي)..وأعجبني...بعد الأزمه..قالوا(حرامي ومجرم).. سألتهم:كيف؟؟!!..قالوا:"حرامي ومجرم..وبس..واسكت..!" وكنت أسمعهم بعد يقولون (جيم كاري..فاسد)..فكرهته على طول..وكانوا يشوفون أفلامه..ويضحكووون.. كنت أسألهم"ليه تضحكون؟!..ما تقولون انه فاسد"...قالوا..ورا ما تنطم بس.!!! الخميــــس: أبوي يقول <االتدخين> حرام .. واللي يدخن يدخل النار.. وفي يوم شفت ابوي جالس مع صديقه أبو حمد..وأبو حمد ماسك السيجاره بيده.. وقفت وسألت ابوي""طيب اللي يجلس مع اللي يدخنون..يدخل النار بعد!!!" الجمعــــة: أسمعهم يقولون..ان اللي يطول في مكالمته يغازل..واللي يروح للسوق يغازل..واللي يعرف انترنت يغازل... وامي تطول على التلفون,,وتروح للسوق,,وتطقطق على الكمبيوتر.. رحت لأبوي وانا مصدووووم::"أبوووووي الحق.. أمي تغازل!!!! للاسف هذي صور من المجتمع .. لكن سؤالي ... !!!!! لماذا لانوضح للطفل المقصد الأساسي من هذا المنع أو من كلمة (عيب) !؟! حتى لا يعمم كل مايراهـ ويُطبّق عليه هذا الوصف .. كمافي الصور السابقه! ! بالطبع هم لم يقصدوا ماقصده الطفل ولكن لأنهم لم يوضحوا له ويفهموه لماذا عيب ولماذا حرام راح ينظر لكل تصرف من زاوية مافهمه هو !!!!!! فما الفائده اذاً من التربيه إذا لم نوضح هدفنا الأساس لأطفالنا .,!,. مشكورين على القراءة والتأمل في اشياء تحياتي لكم |
|
|
المواضيع المتشابهه | ||||
الموضوع | كاتب الموضوع | المنتدى | الردود | آخر مشاركة |
معنى ( بسيط ) بالعامية .. | د/عبدالله | مقالات الدكتور عبدالله العسكري الشمراني | 10 | 05-18-2017 11:28 AM |
|[.. كلمآت مسروقه من دفتر طفل ..]| ~ | أعشق حروفكـ | المنتدى العام | 9 | 04-21-2011 01:15 AM |
كريكاتيرات مسروقة | وليد | الصور والمناظر الطبيعية ومقاطع الفيديو | 7 | 11-14-2009 03:19 AM |
دفتر حياتي | شعبولا الشمراني | المنتدى العام | 7 | 06-28-2009 08:00 PM |
كبتها يولد العنف والقسوة .. دموع الرجال قوة و مشاعر غير مزيفة | دانة شمران | الأسرة السعيدة والمجتمع | 10 | 12-22-2007 02:43 AM |