حفلته عنوانها الإكرام والرفقة شعارها . جديد ابو حاتم.

اللهم إنا بذكرك نستهل ونفتح البيبان

أبدا بسم الله وأزكى مانقوله لاإله إلا الله

واشهد إن محمدا خير أنبياك وسيد البشر

النبي الهاشمي المختار صلى الله عليه وسلم

واللي هذا منهجه يذكره ويصلي على النبي

بعدها فالله يبارك في زواج الإبن يابو رامي

بارك الله لك زواجك يا محمد بارك الله فيك

جاتنا دعوة عزيزة والمعزة من غلاة الداعي

والظروف تغير الهقوات،ماتاتي على الشفوف

والواحد يبني على الصحة ولايدري عن المرض

واعتذرنا حينها واكـــــرمتنا بقبول عــــــذرنا

لكن اللي شاش راسي به من الأخبار وانعش حالي

اجتماع الناس عندك يا علي منَّا ومن هناك

جاتك ارموز الجنوب وغيرها قدرك تلبي الدعوة

كلهم روس القبايل والقبايل في ضيافتك

وانت لو ما كنت رأس(ن) ما تحط الروس روسها

في نقاء،في حب،في ساعة رضا ، والعنصرة منبوذة

لامجال لعنصرية كلنا يا مسلمين أخوان

صح أنا أفخر في القبيلة وابتهج لاقيل يا شمراني

واتباهى واتفاخر لابدا طاري شمارية

واحترم كل القبايل واحترم من يفتخر في ربعه

والفخر للي يقدم للمواطن والبلاد إنجاز

وانتقد من قال وش بفلان ما يقلب يصير فلاني

وفلان أبخص بالإسم اللي يشوف إنه يشرفه

يكفي إني وانت تحت الراية الخضراء سعوديين

قبلها ديني ودينك يارفيقي كلنا الإسلام

الرسالة واحدة والرب واحد والشريعة وحدة

تجمع الأسود والأبيض من بلاد العرب وأعجمي

والتفرق ضعف ثابت مثل ما كان التلاحم قوة

واعلم إن العنصرية ما تسر الا عدونا

وش بنا نلغي الأساسيات ونركز على الفروع ؟

ديننا ألف مابين الحبشي والفارسي والرومي

اعتبرني خوك وانت آخي كما الرومي وفارسي

سد باب العنصرية خيرة الله سد بابها

في الختام أشكر علي عنده رأينا للتلاحم واقع

حفلته عنوانها الإكرام والرفقة شعارها
حفلته عنوانها الإكرام والرفقة شعارها