مهزلة الجنادريه ...

الجنادريه بين الماضي والحاضر
الجنادريه عندما اختلط الحابل بالنابل
الجنادريه عندما يتراقص الشباب والفتيات بمكان واحد لايفصل بينهم حاجز
الجنادريه والمهزله التى حدثت بها وكل من قام بتمثيل بيئته ومكانه الذي تعايش به .
كم هو جميل ان نتعرف على تراث اجدادنا وكيفية الحياه قديماً والاجمل ان نهتم بتعريف بناتنا وشبابنا على التراث القديم .
محزن مارأيت فهل هذا هو تراثنا وتراث اجدادنا !!
كم هو مؤسف ان نقلب تراثنا الى رقص وعزف ومهزله وكم هو مؤسف ان نتخلى عن عادتنا وتقاليدنا وكم هو مؤسف ان نسمح لبناتنا يتراقصن ويتمايلن وسط حشد وازدحام بين الشباب اين الخوف من الله واين هي تعاليم ديننا وكيف سمحت لنا أخلاقنا بأن نتنازل عنها بيوم وليله !!
يقولون وطنيه ولكن لاأرى الا انها أشبه بالمهزله هذا كله وبقرية عسيرررررررررررر وهذا مااحزنني لان الجميع أخذ نظرة مشينه للجنوب عامه وللبيشه خاصه وهذا ماسمعته من أحد الفتيات كانت خلفي تردد أهل الجنوب رجال وحريم يختلطون مع بعض عادي عندهم وهذه أساءه محزنه بحقنا بسبب بشر لاتخاف الله ..
لم ارى وجود للعرضه الا على المسرح مع ان شبح بيشه قلبها استهبال وسخافه الله يهديه ..
للفرح تعبير ولكن ماحدث افسد معنى الفرح وافسد التراث وقضى على الماضي .
ومن جهة أخرى الشاعر الكبير علي بن مسفر احيا قرية عسير بشاعريته المتميزه ولكن من تواجد معه افسدوها لااعلم كيف ينسقوون الكلمات اضحكني كثيراً وحزنت بنفس الوقت عندما ردد الشاعر لااعرف اسمه ولا يشرفني ان أعرف ولا يستاهل كلمة شاعر بنظري كان يردد ياغزال نطحني وسط قرية عسير ويبدا التصفير والتصفيق حااااااااااد ولكن ماادهشني هل الغزال ينطح والا الثور !! والا مقصده سئ الله اعلم بنيته .
وعندما يقف على مسرح قرية عسير شبح بيشه كما يُقال ويدندن بكلمات لاتمت بصله بالتراث ويتراقص وييطلب التشجيع حتى يثور الجميع فهؤلاء بنظري اشبه بالحيوانات بعصا وحده تقدر تحركهم فيبدأ التراقص والميل والجنون بالجميع مستغربه انها عرضه كيف يرقصون مصري وبدأ التعري الشباب مطيحين البناطيل وماخفي اعظم والبنات فاكين ازارير العباءه وتتمايل يمين ويسار وخذ ياهز منظر مخزي وغضب لرب العالمين .
((وما اثار استغرابي مجموعه قاعدين قبالنا حريم كبار وعباء محتشمه وساتره نفسها يوم بدأ العزف قاموا الا ثاروا الله يثور فيهم يرقصون هم ورجالهم ويتماسكون ويطلعون فلوس ويحطونها فوق رؤؤس بعض صدمني هالمنظر مدري وش يرجعون بس فشلونا فشلهم الله ..))
ويجي ذاك الاسمر المسكين مدري كيف فاهم الموضه مكدش الشعر ولابس بلوزه واسعه يدخل فيها اثنين الين الركبه ماقدرت اسكت ياافشله ياافهمه الموضه ع الاصول لانه مو قادر يتحرك واخته ماشيه معه بكل ثقه يقالي اخوي يواكب العصر هع
عذراً ماقدرت تمسك لسانها وضحكها باستهزاء طبعا يمكن عمره 13 14 قلت لو سمحت تراك مضيق على روحك بهالبنطلون مو كذا الموضه ولا كذا نماشي العصر الحديث ربي عطاك رجلين تمشي فيهم وانت من طيحة البنطلون ماانت قادر تفرق رجل عن رجل ارحم نفسك واتمنى قبل ماتطلع من البيت تناظر نفسك بالمرايه ترى شكلك يثير الضحك والاشمئزاز والحزن على وضعك نزل راسه ومشى بس ان شاء الله يتوب بعد هالكلمتين لاني احرجته ..
كثير اشياء شفتها بالجنادريه ماحصل وشفتها قبل كذا اضحك تاره واحزن تاره على مارأيت .
يقولون ليش هالعج والغبار وليش المطر مايجينا ذنوب ومعاصي ونكران للنعم ونبي مطر في هذا المكان اقول بيني وبين نفسي يارب لاتخسف بنا وحنا بهالمكان كل شي حلو بالجنادريه الا المهزله اللي صارت بقرية عسير لاترتيب ولا احترام لانفسهم ولا وجود للهيئه حتى تهجدهم لانهم مانعينهم من الدخول حسب علمي ,,
كل مااتمناه ان تعود الجنادريه كسابق عهدها ايام نساء وايام رجال لحالهم حتى لاتكثر الفتن والمصائب.
هدى الله الجميع وثبتهم على طاعته
انتظر مشاركاتكم النيره ..
بقلمي ..