02-10-2014, 01:00 PM | #1 |
مساعد للمدير العام ومستشار للمنتدى
|
في كل بيت حكمة
الشاعر :- مطلق الثبيتي
(( رحمة الله عليه)) نطوي مع الأيام عـام ٍ ورا عـام وتمر ساعات الفـرح فـي دقايـق أيام راحت بالعمر مثـل الأحـلام يوم ٍ بهـا زعـلان وأيـام رايـق درست من دنياي وأتعبت الأقـدام وبدلت عن بعض الطرايق طرايق وكفخت بأفكاري كما الطير لاحام وماعاقني عن ماكر العز عايـق ياصاحبي خذني معك سيف وحزام واياك في وقت الرخا والظوايق وترى البشر ياخوك منقسمه أقسام بين الردى والطيب شفت الحقايق لقيت من صلى وزكا ومن صـام ولقيت منهو لأقرب النـاس بايـق ولقيت من قلبه حقـود ٍ ونمـام ولقيت من قلبـه يعـز الرفايـق ولقيت من يبني الأمل فوق الأوهام واللي يموت ولايعرف العوايق ولقيت من يملك بساتيـن وأنعـام واللي من الحاجه ينـام متضايـق الله خلق هالخلق سـاده وخـدام ذي دبـرة الرحمـن رب الخلايـق وآخرك يابن آدم ترى قطعة الخـام أمـر ٍ أكيـد ومايبيلـه وثايـق يالله عسى ماكون قطاع الأرحـام وعساي من عقب القبر في حدايق جاك الكلام وخذ معه بصمة إبهـام أن العمـر كلـه مجـرد دقايق |
|
|
المواضيع المتشابهه | ||||
الموضوع | كاتب الموضوع | المنتدى | الردود | آخر مشاركة |
حكمة | الحمدان | المنتدى العام | 6 | 01-04-2015 09:33 PM |
حكمة | محمد مزهر | الخواطر والقصص والروايات | 6 | 02-28-2010 12:13 AM |
حكمة | ولد صقران | المنتدى العام | 5 | 06-24-2009 10:34 PM |
اقرا حكمة وضع حكمة | أنـــــــا | المنتدى العام | 17 | 04-04-2009 03:38 PM |