تكفون يا اكلب - الله من جور الليالي والدنى - مهدي خلف الشمراني

قلم الشاعر / محمد احمد الحوالي الشمراني

تكفووون يا اكلب

الـلــه مـن جور اللـيالـي ضدنــا ** و الله مـن جـور الصعـاب المهـلكة
الوقت يمضي والاوادم للفنى ** وانــا مسيّر لـلـطريــق و مسلكـه

الـلــه يعيـنك يالمعنــى بــالعنــا ** كـيف الخطـا يدرك ومنت بـمدركه
وابليس راع الشر ماهو ودنا ** والنفس تخطي و اللـوايـم مُشْرَكة

ان الخطا ينتج بــشرّ المقتنى ** بين الخطا و الصح شر المعركة
يـ اكلب طلبنا عفوكم عن ولدنا ** و العتـق والغفران ربـي يملكه

يـ وجه محلف يا سلالة من بنى ** مجد العرب يا كليب ف اكلب مبركة
فاعفوا ترى المخطي بسجنه ما جنى ** غير التعب والموت دايم موشكه

مـهـدي خـلـف بالسجـن يبـكيه الظنـا ** الـهـم و الايـام صـارت تـربــكه
جينـا بـجـاه اللي خلقـنـا و اعتنى ** ونـرفـع أيـدينـا اللـيـالـي الـحالـكـة

يــ الله تلـيّـن قـلـب اكـلـب حـلفـنا ** لا صـارت الايدي بحزن مـشبّـكـة
وبـجـاه تـركـي جـاوب الصيحة لنا ** وبـجـاه ابـو متـعب مليك المملكة

يـ اكلـب طلبـنـاكـم عـفو يــا حلفنا ** مـهدي خـلف لا نـتركه لا نـتركه
يـ الـــلــه جعـل اللــي توفـى للمـنى ** جنتك يا الــلــه الذي ما نشركه

يا الــلــه فاعفوا عبدك اللـي قـد جنى ** وتفك بيبـانن عليه مصككه
شمران واكلب صـف واحـد ما انثنى ** الحلف باقي و العوايد ماسكة