قال الشاعر حمد المغيولي

الشاعر حمد المغيولي رحمه الله رحمة واسعة،
من شعراء عنيزة الكبار بالقصيم
ومعروف بقوة شعره ومن روائعه يقول:

دنياك لو تسوى من الحــزن ذره
ما كان تاليها توابيت وقبور

العمر يمضي بين حلوه ومــــره
والموت حق وقابض الروح مأمور

دام الحياة الفانية مستقــــــره
ورزقك يجيك وبين الأجواد مستور

لا تنشغل بالوقت برده وحـــره
واحذر تصير بقسمة الناس مقهور

حكم القدر لاجاك خيره وشـره
أشكر عظيم الشان والذنب مغفـور

أطلق خيالك وأترك النفس حـره
وخل الطبيعة في حياتك لهـا دور

وبالليل لا بانت نجوم المجـــره
أذكر بديع الخلق بحساس وشعور

وأسجد لرب الكون مره ومــره
وأحفظ لسانك وأترك الكذب والزور

وفروض ربك خلها مستمــــره
وطاعتك لا يدخل بها نقص وقصور