10-24-2021, 05:10 AM
|
#1 |
|
مساعد للمدير العام ومستشار للمنتدى
 |
يا للي زعلت
يا للي زعلت أزعل ولا إني مراضيك
اشرب كثر ماء البحر إن كانه أرضاك لا تحسبني عقب صدك بداريك بعز نفسي عنك مدراك مدراك أربع سنينٍ وأنا متحمل تغلّيك الله راضي عني بتعذيبك لجل قلبٍ أغلاك وخليتني واليوم والله لأخليك وأدوس قلبي لينه يقول خلاك قبل توريني الحساير بوريك ليمن قالو فلان هانك ووراك كأنك تحداني فأنا أقبل تحديك وأنسى الغرام إللي مضى وأتحداك ماني بقايل لك عسى الله يهنيك الله يحرمك كل ما كان هناك عسى العمى يا خاين العهد يعميك فوق الغرور اللي على الماضي أعماك وعسك ما تسمع قريب يناديك حيثك تجاهل صوت محروم ناداك وعسى الشلل يعوق رجل تمشّيك لين تندم ليش غيرة ممشاك وعسى حياتك بس فرحه لشانيك يلقى بها الفرصة عدوك ويشناك وعسى الليال إللي تجيني بطاريك يصبح عليها الصبح تموت طرياك وعسى المنام وكل راحة تجافيك آمين حتى إللي تمناه يجفاك وعساك ما تفرح وتكثر بلاويك وأمك تشقّ الجيب من عظم بلاواك ولا مت جعلك في جهنم تصاليك نار الجحيم ونار دنياك تصلاك الله يكره فيك حتى دوانيك غشاش خاين من؟ من الناس داناك هذي النهاية والله يجازيك امسك ويومك عن هوا الغد يجزاك طلال السعيد |
|
|
|
|
العرض الشجري