بوح الراحلين / كلك تعالي غلا ولا ارجعي كلك💔

بوح الراحلين

كلك تعالي غلا ولا ارجعي كلك

كلك تعالي غلا ولا ارجعي كلك

بعـــض الغلا منك ما يستاهل الجيه

طالت وانــا في رجــــا ليتك ويا علك

اوراق بالـــــذكرى واوراق منسيه

ما بــل ثوبك مـــطر شـوقي ولا بلك

لو علتك من سحاب الـروح وسميه

ليه امشي الدرب دامـه ما يوصل لك

تخاف رمضا الضياع اقـــدام رجليه

يا بنت تو الهـــوى ما صرت انا خلك

للحين ما زالت الصـــــــوره رماديه

ومازال بعض الغموض الشره يحتلك

وشلون انا اعشقــك على الــــــــنيه

اشـــوفك هنــــاك قدامـــــي ولا ادلك

صعب الكتابه ليــا صــار الورق ميه

ان كان شـــمسك تساومني على ظلك

ما عــــاد ابي منك لا شمسٍ ولا فيه

امـــا تـــــعالي لــقلبٍ فـــــزلـك كــلك

ولا اتركيني ما ابـي لك بالهوى جيه


للشاعر/مـــسـاعـد الـرشـيـدي