كفى الله فراقك

كفى الله فراقك

حمد الطيار

الشاعر محمد العبيدالله شاعر مبدع برز اسمه قبل أكثر من عقدين مع أكثر من فنان شعبي تغنى له الفنان حمد الطيار باغاني كثيرة منها اغنية (كفى الله فراقك) تقول كلماتها:

كفى الله فراقك يابعد كل من حبيت

عسى الموت لي قبلك وطيات الأكفاني

أناويش يبقى لي إلىارخصتني واقفيت

ولا لي مرا د بعيشةٍ كله أحزاني

أشوفك ونا مدري تقل يالغضي صديت

ونا ماخبر مني خطا ليش تجفاني

أنا أللي بلا منة عطيتك ولا خليت

والى شانت الدنيا على الطول تلقاني

نصوحٍ سموحٍ كلما قلت لي لبيت

أبادرك بالطاعة ولو تطلب أعياني

بربك وربي والسما والملا والبيت

فلا مثلك أحدٍ في زماني تولاني

أحبك من الله ما تخيرت يوم إبليت

بلاني بك اللي يعلم السر واعلاني

لو اطلب جلا حبك من الله إلى صليت

تجدد وزاد بخاطري يومي الثاني

تشوفه بعيني كلما رحت والاجيت

هماليل دمعٍ ساقته رفة اجفاني

عساني بظني يا نظير العيون أخطيت

وقلبك معي لا زال مغلي ويهواني
...............................