صنايع الجُمل والمعروف دين السَلَف

صنايع الجُمل والمعروف دين السَلَف
ومن تسلَّف قضاء بالالف مثله الوف

بعض الصداقات ماداعي عليها الأسف
والعابره ماعليها لو تولِّي حسوف

وداعة الله ياصحبه سببها الصدف
ظروف قد جمّعتها وابعدتها ظروف

صحبه تشوف المصالح عندها اكبرهدف
لها العمى ياجعلها عمرها ما تشوف

ماصحبه إلا على مبدأ وفيها شرف
فيها الوفاء ساعة الحاجه تشب النكوف

في نصرة الحق من ظالم شديد الصَلَف
في دعم مظلوم يلقى كل يوم الحتوف

ذي ما لها ساس ماكن فالوسط والطرف
تطيح الاركان واتهاوت عليها السقوف

وماسقط من نجوم البرد ينقص و خف
وتكتسي كل حدباء من وَبَرها و صوف

ومن تجمَّل لقي جُمله مع اهل النصف
الوقت دوَّار وايام الشدايد تطوف