ديوان الشاعر (بن منجيّة الشمراني) جميع قصائد الشاعر بن منجيّة "المعروف بـ دماوي حيل" |
|
أدوات الموضوع | إبحث في الموضوع | انواع عرض الموضوع |
02-12-2008, 09:37 PM | #1 |
مشرف عام سابق
|
الوجد كافر
الوجد كافر
الوجد كافر والروابع تسونامي = ياصل بنات الفكر في عالي ابراجي يخلف ارامل من عواقِبْه وايتامي = وتخِرّ في جاله صناديد الامواجي والشوق له فالقلب قرطاس واقلامي = يكتب وينشر بالمعاليق مهراجي واحيان يطرب فوق توزيع الانغامي = واحيان يجمع بين دوره والاخراجي نوته تسطِّرني بها اعلوم واحلامي = رغم انفي اسير ابهواها والاحجاجي وتدوربي وادور وتبيح الانسامي = واوقف واواصل دربي ابلحظة افراجي ياخازله روحي على راس الابهامي = تومي بها فيما بغيتي وتهتاجي وخلفين مادري وين ربعي من اخصامي = ويهدّ زوري حيل من يبني اسياجي قلبي ومصراعيه مفتوح لإلهامي = ياخذبني يم الغضي سيد الادعاجي وابقى زعيم البر واهراش الاسنامي = املح فحل ويهيم في كل الافجاجي مهادله سعبل زبدها للاقدامي = يربع على قبّ البكاير والافواجي مرفوع ماينَّاش راسه وهو طامي = واليا ارتبع محذور في ربعه ارجاجي بابور كيفي للملاويح واعصامي = يفتق ويثعل بطن من يرغب ازعاجي واقوم اهيجن فوق ذروة بسلهامي = واخير بين الحمر والسود والعاجي بنات من تنكيح فكري والانظامي = ازفَّها للحر الاشقر الى داجي واذكرك ياعبدالله اللي من العامي = ماعاد به في بركم طرش وانعاجي العام الاول كنت قايد ومتزامي = والجمر في ميفاك والقرص والصاجي واليوم قرصك لايماني ولاشامي = ضيَّعت بين اهل البشاير وقرطاجي وضيَّعت مشيك بين حِديان واقطامي = وانته معايد قريتين اهل الاهداجي عجزت في ريشك ووصفك والاوسامي = واخذت مع شرواك لفَّه ومدراجي ما لك وسم يعني مع الخيل يارامي = والخيل يبغاله مسارج وكرباجي والريش ماطارت به البط وانعامي = وش وقعكم ما لك علامه ومنهاجي والا عبط واكبار مع زيدٍ وسامي = يا زيد يا بو زيد للشعر ديباجي ماهوب سلعة بيع يشرى وينسامي = وماهوب سبحة شيخ سبحبها راجي وماهوب زوعة خشم ومناخف انخامي = وماهوب حجة جند تتقلد التاجي الشعر هجرة روح مطلوبها سامي = الشعر ظرف ابداخلة شمعة اسراجي الشعر ملجى الحس من ظلم واظلامي = الشعر من نار الغضي صرتبه ناجي لاتقحم القاله وهو حرَّها حامي = اما لها والا انت فيما انت محتاجي انا لها فالبر والبحر واغمامي = بازل وحرّ وجيلبوتٍ وميراجي ملِّيت من كثر الدعاية والاسهامي = وافلس نديبي واعلن البيع باحراجي والعلم تالي العلم صلى الله اختامي = على النبي ذا سار للعرش معراجي وتقبلوا تحياتي |
|
|
المواضيع المتشابهه | ||||
الموضوع | كاتب الموضوع | المنتدى | الردود | آخر مشاركة |
ضم الندى عودك | الحمدان | المنقولات الأدبية | 7 | 02-22-2021 08:49 AM |
تارك الصلاة كافر بنص الكتاب والسنة | الاميرة ريم | المنتدي الاسلامي | 2 | 08-15-2013 01:29 AM |
الوجد الدفين هلا وغلا ومرحب فيك | حسن بن عبدالله | الترحيب و الضيافه | 1 | 03-25-2009 05:43 AM |
مسلم اسكت كافر بكلمه واحده !!! | ابو ريماس ال عدول | المنتدى العام | 7 | 06-01-2008 01:17 AM |
بدء الوحى | بوسعد الشمراني | المنتدي الاسلامي | 5 | 02-01-2008 02:56 AM |