اخترنا لكم شعر نبطي وفصيح

يا سلام الله على اللي يردون السلام
والوفاء يجزى وفاء والتحية وافية

مالقيت أزين من الطيب ومزوح الكلام
النوايا الطيبة والصدور الصافية

....

‏تعال عطني من مسائك دقايق
خل المساء بطلتك يشتعل نور

تدري مسائك يجعل البال رايق
ويخلي الدنيا بها الورد منثور

....

واللي على أصغر عيوبي ما تحملني
يامرحبا بالظروف الي تقفي به

....

ظــروف الايــام ما مـرت بعاديّه
خلتني اكبر سنه في يومها الواحد

....

الجفا والصمت سيفن يذبح القلب ويحزه
وانت سيفك ذا تسله مثل سيف ابن الوليد

ما بغيت تكون وحشي يالغلا واكون حمزة
خاف ربك لا تصوب رمح هجرك في الوريد

....

‏اصبر وتلقى بالصبر ما يسرك
‏لا بد من قبل الحلا يوصلك مر

....

اسمهـا دنيـا ولا فيهـا كـبير
الكـبير الله ولا غيـره أحد

في نهايتها الغني مثل الفقير
كلهم نفس الكفن نفس اللحد

....

لاتعطي أكثر من المطلوب واللازم
تراك لا طحت بيشوفونك مقصّر

....

تقولين الديار بعيد واقول القلوب أقراب
‏يسافر لك خيالي وين ما رحتي وسافرتي

....

و‏احد يقول ان الھوى فيه راحه
‏وواحد يقول ان المحبه كما الطـب
‏
‏وان كان تبغاها بـصدق وصراحه
‏بعض البشر مايدركون ماهو الحـب

....