فوق هام السحب ( الشعر الشعبي) على متن القوافي

‏وين أتوجه والليالي ماتطاق
‏وأنت الوحيد اللي دموعي تألفه

‏ما عاد لي عقبك اصحاب ولا رفاق
‏لا ولا لقى قلبي قلوب موالفه

‏ملّ الجفن يذرف دموعي الرقاق
‏خذني بصدرك ما بقى وجـه آلفه

‏وعلم شعوري لانزف جرحي وفاق
‏ إن الندوب اللي بصدري تـالفه
ِ
.....

‏انا الحزين الحزين اللي عليه الكلام
‏وأنا الغريب الغريب المغترب بوطنه

‏وأنا الي أقصى طموحاته يعيش بسلام
‏فاقد شعور السلام الداخلي كم سنه

‏بعض الليالي مامرتني مرور الكرام
‏احداثها مُحزنه وامراضها مُزمنه

‏ياصاحبي صاحبك ماهو على مايرام
‏الحزن مثّر على نفسّيته وبدنه
ِ
.....

‏البارحة مابين ذكرى وتذكار
‏عيا يطب النوم سود الجفوني

‏ياغايبي والشوق مخلوق من نار
‏ماهنت لو غيرك عليا يهوني

‏وشلون تتركني على عتبة الدار
‏وانت الوحيد اللي بكت له عيوني

‏اسألك في وجه الولي رب الابرار
‏رازق ضعيف الطير فوق الغصوني

‏ان كان باقي لي معزة ومقدار
‏عوود ترا شوفتك تشفي طعوني
ِ
.....

‏يفز الحنين من آخر الصمت والفقدان
‏وتهيج الجروح اللي عن الشِعر حابسها

‏فقدتك وفقدانك على وجه عمري بان
‏وانا اخترتك بمعشب سنيني ويابسها

‏عيون ٍ روَت وجهك عمر ماملاها انسان
‏يغني لها الملح وترفرف نوارسها

‏ياكثرك بذاكرتي تمر وتسيل أشجان
‏وتفاصيلك بكل الوجيه اتلمسها

‏تمر الحياه وليت الاقدار بالامكان
‏واعرف الليالي وش تخفي بواهسها

‏يا كيف اتجاوز ما مضى واقدر النسيان
‏ولك ضحكة ٍ في تربة البال غارسها

.....

‏أغلب رفوف الكتب ما حرَّكت ساكن
‏كثر ما حرَّك شعور القلب مسودّة

‏مثل الهوامش وأمان شْعوري الراكن
‏يدرى إختلاس العيون العابرة ودّه

‏وش أنتظر له لطيف أن مرَّ الأماكن
‏صدري يجرّ النسم كنّ النسم نِدّه

‏قرَّبت منّه قميصي ليلة ولكن
‏لا من دُبر قدَّه ولا من قُدم قدَّه

.....

يا ذا القمر.. قامت تغيِّر مساريك
يا بطي مطلاعك.. ويا سرع مسراك

طفت النجوم اللي من أول تباريك
ما شفت نجم بان قبلك وخاواك

قبل أمس.. أعدّ لك الليالي وراعيك
واليوم عني نازح البعد.. خفاك

يا نجد.. جعل مروّح الغيث يسقيك
يعل ريانك.. ويسقي ظماياك

يا نجد حبيناك.. من حب راعيك
اللي بنى مجدك وصانك وسواك

يا نجد.. قلبي ينفعه يوم يطريك
الله يلوم اللي يلومه إلى أطراك

الأمن.. والإيمان متوطن فيك
فضل المليك اللي ربا فيك.. وارباك

العين في سود الليالي.. تناجيك
لو هي (بلندن) كانها اليوم بحماك

كلام مشتاق يبي شوف أراضيك
جنسيته تحمل فصيلة.. رعاياك

ماهو كلام إمخادعي.. يسميك
باسم تنافا مع حلاياك.. واسماك

بالشر يدعي لك.. وبالخير ناسيك
ما يدري أن أهلك تسلو.. بذكراك

لبيك يا داري من البعد لبيك
صرخة غريب ما يصدق بلاماك


شعر: خلف بن هذال العتيبي

‏يا أهل الصدور الضايقه عيّنو خيـر
لجروحـكم عـندي عـلاجن يضمّـد

لآ شـانت ظروف الزمن والمقآدير
صلوّ على خير البريّه محمد

عليه أفضل الصلاة وأتم التسليم

‏كسّرني الوقت وظنون الهُوى خـابت
‏ياغـاية الـرُوح روحـي من يواسّيهـا

.....

ماني مبشر بالعوض وأنتَ موجود
‏أنتَ الأصل جعل الأصل مايبدل

.....

عسى كل عيـنٍ دمعها بالوفاء رقراق
‏تزين الليالي لو على شان خاطرها

‏الا ياعيونٍ سبّلت دمعها الحـرّاق
‏ونامت حزينة مالقت من يعبرها

.....