فوق هام السحب ( الشعر الشعبي) على متن القوافي

ليتها الأميالَ نحوكَ يا صفيّ الروحِ تُطوى
‏ ثمّ عين الشّوقِ منّي قرّةً تهنـا وتُروى

.....

لولا الحياء والملام وهرج عذّالي
لاقول بيتٍ يراودني وخبّيته

فلاَن كل الوجيِه اللّي على بالي
وفلاَن كل القصيد اللّي تغنّيته

.....

‏أبتسم لي ضاقت بوجهي جميع اربع جهاتي
‏واقترب لي لا شعرت إني فهالدنيا وحيدة

‏مالي إلّا وجهك اللي به زهابي وامنياتي
‏وصوتك اللي لا سمعته صارت سْنيني سعيدة

‏عادك اوّل من عرفت و عادك أحلى ذكرياتي
‏يا هواي اللي لو يعود العمر بارجع اعيدة

.....

‏يامبعدٍ عني ترا الروح تهواك
‏ارحم قتيل الهوى وارجع لخلك

‏يذرف دموعه دم من زود فرقاك
‏يشتاق لك قلبه ولا يوم ملّك

.....

‏السعة كانك تبي صدق السعة
‏لاتظلل في ظلالًا ما يبيك

‏مشاعرك لو الضلوع موجعه
‏لا تسوقه غير للي مشتريك

.....

‏عمر الشعور الصدق ماكان زايف
‏ودربٍ يودي لك أعرفه ومخبور

‏بين الحنين وعزة النفس خايف
‏أجيك وأرجع منك عايف ومقهور

.....

كم على وجه الاراضين من ذيبٍ جويع
يجتلد ليله نهاره ولا يلقى عشاه

والكسل ماهوب يلحق لذات الربيع
والصلاه ابرك من النوم حي للصلاه

والجمايل في بنوك الجمايل ماتضيع
وراعي المعروف لاجاء يدورله لقاه

ولاتعرض صاحبك شدة الوقت السريع
اتركه للوقت والوقت يبحث لك مداه

سعد بن جدلان رحمه الله

أحلامنا كانت على ريشة الطير
‏والطير طار وريشة الطير طاحت

‏وأيامنا صلفة وفيها معاصير
‏شوفـوا بقايا احلامنا وين راحت

.....

ودنا بالطيب بس الدهر جحـاد طيـب
كل ما تخلص مع الناس كنـك تغشهـا

يدك لامدت وفاء لاتحرى وش تجيـب
كان جاتك سالمه حب يـدك وخشهـا

كل ماشبيت نار المحبـه مـع حبيـب
قام يسحـل فـي مشاهيبهـا ويرشهـا

وكل ما واجهت لك فالزمن وجه غريب
مثل ماقال المثـل دام تمشـي مشهـا

وذمةٍ ماهيب تنـدار للحـق المصيـب
جعل قشاش الحطب لاسـرح يقتشهـا

سعد بن جدلان رحمه الله

‏أنت يامسك البدايه ويامسك الختام
‏ما طرا لك تسقي اللي من الصده ذبل

‏كل حاجه تنتهي بعد فقد الاهتمام
‏الجفا مثل الدهر والوصل مثل الوبل

‏عطني من الحب بالصاع والا بالچرام
‏وأعتبر مكسبك مضمون لو قالو خبل

‏الربا فالحب ماهوب عيب ولا حرام
‏لا عطيتك حب وأحساس رجعها دبل

.....